Luka 21:27 - Dadiya NT

²⁷ A kwama gɔ jǝ kuwo kuwo Bʊla Nǝlɨ bɛ lɛ a mʊgɔ lul, a mʊgɔ kwaan gǝn jǝbɔ gʌleng dʊʊlǝn gǝnɔ.

Luka 21:27 Խաչաձեւ Հղումներ

Matta 24:30

A kwama gɔ jǝ kuwo kuwo kaa jǝ nʊngtǝm a dʌbʌl kwama, na Bʊla Nǝlɨ a nʊng dul gǝnɨ. Nǝbɔ a yooli nɨɨ ji ji wi bwaa, na ja kuwo Bʊla Nǝlɨ bɛ lɛ a mʊgɔ luli, nǝn kwaan jǝbɔ gʌleng dʊʊlǝn gǝnɔ.

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Matta 26:64

Nǝngɔ Yesu a jǝla gǝn gɔ, “Ɔɔ, nǝmǝ, kanga mʊ sʊwaɨ. Mɨsɔ kʊta lɛ jǝ́ kuwo kuwo Bʊla Nǝlɨ yǝm a kang jajǝng Nǝ Kwaan nɨɨ, bɛ lɛ a dʌbʌl a mʊgɔ lul.”

Markus 13:26

“A kwama gɔ nǝfitʌmɔ kuwo kuwo Bʊla Nǝlɨ bɛ lɛ a mʊgɔ lul nǝn kwaan fɔlɔn gǝnɔ jǝbɔ dʊʊlǝn gǝnɔ.

Luka 21:26

Nǝfitʌmɔ fʌm fʌm nǝn taal, jǝbɔ yalɨ kuli nǝn jʊtǝb nɨ bwɨ lɛ a yooligɔ gǝmɨ. Jǝ mǝg mǝg kanjǝl nɨ a dʌbʌl kwamaɨ.

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.

Dʊgam Nyangnyang 14:14

Mǝ dʌngi, nǝngɔ mǝ kuwo kaa nǝl maamɔ n Bʊla Nǝlɨ yǝm a dʌbʌl lul fuloi, nǝn dwang dul mʊn a dul gǝnɔ gǝm. A ta kɔɔ nɨ a ja nyɨɨ a kang gǝn.