Luka 21:12 - Dadiya NT

¹² “Sǝla kanjǝl nɨ a bwɨ gwam, jǝ taba jen taba, ja nǝ jen gaalan. Jǝ yɔ yɔ nǝn jen a kǝga kantɨn mɛlalɨ sǝ ja maa jem borang. Ja kubʌl jen a lɔsomi. Jǝ yɔ yɔ nǝn jen a kǝga fɔlɔlɔmɨ jǝbɔ kǝga nǝb dʊʊm a kɛl dun mɨ.

Luka 21:12 Խաչաձեւ Հղումներ

Matta 22:6

Kaamɨ a ta bɛtɔ jwaalɛnɔ, ja maa jim bʊgǝn, ja jʌbom ji.

Matta 24:8

Wʊnɨ nǝn gɔ tǝltǝm gaalanɔ dɨnɨ.

Luka 21:11

Jǝ maa maa bwɨlang mǝgatǝm tǝm, jǝbɔ jʊwan bwɨla, jǝbɔ tonʌn bɔɔla a daatɨnɔ gǝm nǝn dʌmʌn. Jǝ kuwo kuwo jǝ taal jǝbɔ kanjǝl laatǝm kang a dʌbʌl.

Yohana 15:20

Jǝ́ bʊʊla nǝn jʊ mǝ sʊwa jeni mǝʊ, ‘Bwɛ jwaalɛ mɨ gǝ laa tɛlalɔ gǝnɔ lɛ.’ Na ja nɨ ɨ gaalanɨ, jen tʌjen jǝ nǝ jen nǝ gaalan. Na ja bwangtǝn kɛl mǝndɨ, jǝ bwangtǝn bwang a jenɔ.

Yohana 15:21

Jǝ maa jem maa kanjǝl nɨ gwam a kɛl dun mɨ, jʊ a bwɨɨ ja nyǝm bɔ nʊ nɨ a twam ɨɨ.

Maajɨ Bɛtɔ Twamagɨɨ 22:30

Nǝn tǝmsɛlɨ dalɨ dʊʊ sʊwajaam nɨ swɨ lɛ a nyǝm jʊ a bwɨ Yahudawagɔ a yɔ nǝn katǝm kɛl nɨ a dul Bulusi, nǝngɔ a kwɨ gǝn, a sʊwa dʊʊm nǝbkǝlamɔ jǝbɔ nǝb dʊʊm koteregɔ ja mʊrkaɨ. Nǝngɔ a bɛ nǝn Bulus a dǝg gǝn a tɨ a kǝga jini.

Maajɨ Bɛtɔ Twamagɨɨ 5:40

Nǝngɔ ja jo bɛtɔ twamagɨɨ, ja bʊg ji, ja sʊwa ji gɔ ka ja sʊwa lɛ kɛl nǝn dun Yesui. Nǝngɔ ja dem jim kangɨ.

Maajɨ Bɛtɔ Twamagɨɨ 8:3

Shawulu a kʊwa a yɨ mʊrkalɨ nǝb bwangtǝm Kwaamaɨ gǝm. Nǝ ji gaalan nɛ nǝn bɨlǝngǝn, bwangtǝn nɛ lɔ jǝbɔ tuulɔ, taba batǝmɔ lɛ jǝbɔ nɔɔtǝmɔ, dǝg ji lɛ a lɔsomi.

Maajɨ Bɛtɔ Twamagɨɨ 9:4

Nǝngɔ a yal a tǝmɨ. A nyʊwa kaa diil sʊwa gǝn nɛ gɔ, “Shawulu! Shawulu! Wɛ a bwɨ mʊ nɨ ɨ gaalan nɛɨ?”

1 Bitrus 2:13

A kɛl dul Tɛlalɔɨ, jǝ́ nǝ shigtǝm dul a daagɔ nǝb maatǝm borangɔ woi gwam. Jǝ́ nǝ shigtǝm dul a daa fɔlɔ dʊʊnɔ woi,

Dʊgam Nyangnyang 2:10

Bɛ ka ń nyʊwa lɛ taal gaalan nɨ bɛ mʊn nɛɨ. N wɔ Mammɔ maa fɛkalɨ lɛ sǝ a tʊng kaam jenɔ a mʊgɔ lɔsomi sǝ a tɛl jen. Mʊ nyʊwa nyʊwa gaalan na kumɔ kʊb. Bɛ ń ta swatǝm yaa na jǝ jʌ ń jʌ ńi. Mǝ nǝ ń nǝ ń dwang dul kʊlɨ.