Luka 16:16 - Dadiya NT

¹⁶ “Nǝbɔ a bwangtǝn diil Musaɨ jǝbɔ a nǝbkuwotǝmkǝgagɨɨ, ba la nǝn a kwama Yohanaɨ, nǝ yʊtǝm mwɛ sagsag. Kǝngkɔ bǝ kiyo fulon kɛl lǝmɨ fɔlɔn lɔ Kwaamaɨ lɛ, kwama gɔ, nǝbɔ maa kwaan nɛ jǝ dɔ mʊgɔ gǝnɔ.

Luka 16:16 Խաչաձեւ Հղումներ

Matta 10:7

Kanga jǝ́ yɔɨ, ya jǝ́ sʊwa jengɔ, ‘Fɔlɔn lɔ Kwaamaɨ a dwama.’

Matta 15:11

Ke bɔ kanjǝl nɨ gǝ dɔ lɛ a nyiyo nǝlɨ gǝ kal gǝn nɛɨ, n kanjǝl nɨ gǝ jel lɛ a nyiyo nǝlɨ gǝ kal gǝn nɛɨ.”

Matta 21:32

Yohana ba nʊng jen gola dǝngdǝngɔ, jǝ́ nǝ bɔ bɨlǝngkɛl nǝn gɔ. Nǝb yotǝm kemʌn tǝmɔ jǝbɔ nɔɔtǝm bulonɔ ja nǝ bɨlǝngkɛl nǝn kɛl Yohanaɨ. Jǝ́ kuwo nyɨɨ, jǝ́ yǝla bɔ jǝ́ bǝla bwɨlangkɛl jenɔ, jǝ́ nǝ bɨlǝngkɛl nǝn gɔ.

Matta 3:2

sʊwa lɛ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 4:17

Nǝngɔ Yesu a tǝl kiyotǝm kɛl Kwaamaɨ gɔ, “Jǝ́ yǝla jǝ́ bǝla bwɨlangkɛltɨn jenɔ, jʊ a bwɨɨ fɔlɔn lɔ Kwaamaɨ a dwama.”

Matta 4:23

Yesu a bwangtǝn tǝm Galiligɔ gwam, mɛla nǝbɔ gǝm lɛ a kantɨn mɛlalɨ, kiyo jim fulon kɛl lǝmɨ fɔlɔn lɔ Kwaamaɨ lɛ, gung nǝb twɨlamɔ lɛ, jǝbɔ nǝb bɔɔlamɔ a kʊm nǝbɨɨ.

Markus 1:14

Nǝn kwama ja kubʌl Yohana a lɔsomii, Yesu a dɔ mʊgɔ Galili kiyo nǝbɔ gǝm fulon kɛl lǝmɨ Kwaamaɨ lɛ.

Markus 1:45

Nʊ nɨ a maa bɔ kanga ja sʊwa gǝnɨ, a jel nǝngɔ sʊwa nǝbɔ fulon kɛl nɨ lɛ a daatɨnɔ gǝm gwamɨ. Jʊ nɨ ga maaɨ, a dǝg Yesu a dɔ bɔ kaa tuulɔ, gǝ yɨ a daa nɨ mɨ nǝb woi. Maatǝmɔ nyɨɨ, nǝbɔ a daatɨnɔ gǝm gwam bɛ lɛ a daa gǝ woi.

Luka 10:11

‘Kuul tuulɔ jenɔ nɨ a naa nǝnɨ, nǝn buum sǝ a yǝlam gʊtǝm lɔl a daa jen woi. Bɛ jǝ́ fɛ jǝ́ nyǝm fulon fɔlɔn lɔ Kwaamaɨ a la nǝn dɔɔm.’

Luka 10:9

Jǝ́ gung nǝbɔ mɨ kwamɨgǝnɨ, jǝ́ sʊwa ji jengɔ, ‘Fɔlɔn lɔ Kwaamaɨ a bɛ nǝn dɔɔm a daa jen woi.’

Luka 16:29

“Nǝngɔ Ibrahim a jǝla gǝn gɔ, ‘Ji nǝn langǝn bwangǝn Musaɨ jǝbɔ a nǝbkuwotǝmkǝgagɔ. Bɛ ja nyʊwa jʊ nǝb nɨ a sʊwa jii.’

Luka 16:31

“Nǝngɔ Ibrahim a sʊwa gǝn gɔ, ‘Na ja nyʊwa bɔ kɛl Musaɨ jǝbɔ a nǝbkuwotǝmkǝgagɨɨ, mɨsɔ jǝ jǝla lɛ, na nǝl a gun a bwaa a yɔ a daa ji woi.’ ”

Luka 9:2

A twam ji sǝ ya ja kiyo fulon fɔlɔn lɔ Kwaamaɨ, ya ja gung nǝb bɔɔlamɔ lɛɨ.

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Yohana 11:48

Na bǝ bǝla gǝn wo maa kanjǝl nɨ lɛɨ, nǝbɔ gwam nǝ nǝ bɨlǝngkɛl a daa gɔ woi. Nǝbɔ Romaɨ tag ba jǝ yem yem Kan Kwaaman bǝnɔ jǝbɔ bǝlǝntǝm bǝnɔ!”

Yohana 12:19

Nǝngɔ nǝbɔ Farisaɨ sʊwaka lɛ a bʊtɔ jin gɔ, “Jǝ́ dʌng, mɨ bǝ nya jatǝm kǝga lɛ. N wo yooligɔ gwam bwang gǝm lɛɨ.”

Yohana 5:4

Jʊ a bwɨɨ, kaam ditɨnɔ kaa bwɛ twama Kwaamaɨ gǝ bɛ bɛ ba mǝg mʊgɔ mwɛ nɨ. Nʊ nɨ a dɔ mwɛmɔ nǝn tɨkǝgaɨ, gǝ nya nya guntǝm a twɨla nɨ gǝ nǝngǝnɨ.]

Maajɨ Bɛtɔ Twamagɨɨ 3:18

Kwaama a yii jʊ nɨ a sʊwa a nyiyo nǝbkuwotǝmkǝgagɔ gwamɨ gɔ, Kiristi gǝnɔ nyʊwa nyʊwa gaalan.