Luka 16:1 - Dadiya NT

¹ Yesu a sʊwa bɛtɔ mɛlalɨ gǝnɔ kaa mʊsǝn kɛl. A sʊwa gɔ, “Kaa nǝ shilo wʊnɨ nǝbɔ tuwo nǝ dʌngtǝm gǝnɔ lɛ nǝn maatǝm fanyal nǝn kanjǝl gǝnɨ.

Luka 16:1 Խաչաձեւ Հղումներ

Matta 20:8

“Nǝn kwaamɨ, nǝngɔ nǝ tɔtwamɔ a sʊwa nǝ dʊʊgɔ gɔ, ‘Jo nǝb maajɨgɔ, ń ywa ji kemʌn maajɨ jinɔ, tǝl nǝn nǝb maajɨ kwaamɨgɔ dɨsɔ ń dɨl nǝn nǝb kumsʌlɔ.’

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 15:13

“A kʊta bɔ, nǝngɔ bwɛ dwalɨgɔ a mʊr kanjǝl gǝnɔ gwam a bǝla lɔngɨ. A shu a kaa tuulɔ nɨ a kʊta kʊtaɨ, ya jʌm kanjǝl gǝnɔ a yʊwaɨ.

Luka 15:30

A bʊla mɔ wʊnɨ ya jʌm kemʌn mʊnɔ a daagɔ nɔɔtǝm bulonɔ woi a yǝla a bɛɨ, ń biyo gǝm bɛ nɛɛ balɨ nɨ a dʊʊl nǝn lʊglʊg nyɨɨ!’

Luka 16:19

Yesu a sʊwa ji gɔ, “Kaa nǝ shilo wo, gǝ dʊʊ dwang nyantɨn kwangkwang, gǝ ja jǝjalǝn nyan kwangkwang.

Luka 16:2

Nǝngɔ a jo nǝ dʌngtǝm gǝnɨ, a bʌ gǝn gɔ, ‘N wɛ mǝ nyʊwala lɛ a dul mʊnɨ? Sʊwa ɨ jʊ mʊ maa gwam nǝn kanjǝl mɨ a kang mʊnɨ! Mǝ swɨ bɔ ń maa dʌngtǝm kanjǝl mɨɨ tag.’

Luka 19:20

“Kaa a bɛ tǝgǝn gɔ, ‘Tɛlalɔ, sʊwa mʊnɔ wɔ! Mǝ kʊm a tulong dwang. Nǝngɔ mǝ yʊɨ.

Luka 8:3

jǝbɔ Yuwana nwala Kuzaɨ bwɛyʊgalɨ Hiridusi, jǝbɔ Suzanatu, jǝbɔ kaam nɔɔtǝmɔ a lada wʊnɨ ja maa jim tɨkalɨ nǝn kanjǝl nɨ jǝ nǝngǝnɨ.

Titus 1:7

A na nyɔ tag nǝ dʊʊ dʌngtǝm nǝb Kwaamaɨ bɛ a yǝlam mɨ nǝn jǝ tuwol, ke bɔ nǝ bǝngɨ lɔl, mɨ maa nabwɨl lɛ dǝbǝr jǝbɔ nɔɔtǝm jʊ nɨ maa gǝn nɛɨ, ke bɔ nǝ bʊgtǝm nǝbɨɨ jǝbɔ nǝ wɛl kemʌn.

Yakubu 4:3

Nǝn kwama jǝ́ kelaɨ, mɨsɔ jǝ́ nya lɛ jʊ a bwɨɨ mɨ jǝ́ kel lɛ a gola nyan. Jǝ́ swɨ lɛ jǝ́ jʌ kanjǝl nɨ jǝ́ nyaɨ, a kanjǝl bwɨla na nyʊwatǝm lǝma bʊtɔ jen.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.