Ibranii 9:24 - Dadiya NT

²⁴ Jʊ a bwɨɨ, Kiristi a dɔ bɔ kaa lɔ tǝlatǝm twama wʊnɨ nǝfili a mɔɨ, wʊnɨ nǝn gɔ n jelkalǝng lɔ dʌbʌli. A dɔ dʌbʌlɔ tǝgǝn sǝ a nʊng dul gǝnɔ a kǝga Kwaamaɨ a kɛl dul bǝn.

Ibranii 9:24 Խաչաձեւ Հղումներ

Matta 18:10

“Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Markus 14:58

“Nǝn nyʊwa gǝn sʊwa lɛ gɔ gǝ kʌb kʌb Kan Kwaaman nɨ nǝbɔ a mɔɨ, sǝ gǝ mɔ kaa tag a mʊgɔ kumɔ taal, wʊnɨ ke bɔ mɔtǝm nǝfilii.”

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Luka 24:51

Nǝn kwama dǝgǝm jim bwiligɔ lɛɨ, nǝngɔ a bǝla jii, nǝngɔ ja do gǝn a dʌbʌli.

Yohana 16:28

Mǝ jel a daagɔ Tɛtɛ woi, nǝngɔ mǝ dɔ mʊgɔ yooli nɨɨ. Kǝngkɔ mǝ bǝla bǝla yooli nɨ sǝ n yǝla a daagɔ Tɛtɛ woi.”

Yohana 6:62

La nǝl jenɔ yǝlam nyǝn na jǝ́ kuwo Bʊla Nǝlɨ gwi shu lɛ a daagɔ a jelʌmi?

Maajɨ Bɛtɔ Twamagɨɨ 3:21

Yesu yɨ yɨ a mʊgɔ dʌbʌl kwama, a yɔ nǝn a kwama nɨ jǝ fɛ kanjǝlɔ lɛ gwam a yǝlam a fɨɨ, kanga Kwaama a sʊwa galɨgǝn a nyiyo nǝbkuwotǝmkǝga gǝnɔ gǝmɨ, nǝb sagsagɔ.

Roma 8:33

Nuwo yɔ lɛ nǝn nǝb nɨ Kwaama a jǝgǝmɨ a kan borangɨ? Kwaama nǝn kang gǝn a dǝg ji ja yǝlam nǝb dǝngdǝng a kǝga gǝn.

2 Korinti 5:1

Bʊtɔ bǝnɔ gǝ na na gushi. Bǝ nyǝm na ja kʌbi, Kwaama a maa bǝm kaa lɔ a dʌbʌl, wʊnɨ ke bɔ nǝl a mɔ nǝn kang gǝnɨ, wʊnɨ mɨ dɨtǝm woi.

Kolosii 3:2

Bɛ jǝ́ ya bʊʊlalɨ jenɔ a kanjǝl nɨ a dʌbʌli, ke bɔ kanjǝl nɨ a tǝmɨ.

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 4:14

Kanga bǝ nǝngǝn nǝn gʌleng dalɨ nǝkǝla wʊnɨ a shu a dʌbʌli, nǝn gɔ nǝn Yesu Bʊla Kwaamaɨ, bɛ bǝ tɨ a dul jʊ bǝ nǝ bɨlǝngkɛl nǝnɨ.

Ibranii 6:20

N daa nɨ a kɛl dul bǝn Yesu a laa bǝn dɔtǝmɨ, a yǝlam dalɨ nǝkǝla nɨ mɨ dɨtǝm woi, jelkalǝng Malkisadiki.

Ibranii 8:2

Dalɨ nǝkǝla nɨ maa maajɨ lɛ a Daa nɨ a Laa Sagsagɨɨ, lɔ tǝlatǝm twama na bɨlǝngkɛl wʊnɨ Tɛlalɔ a swaɨ, ke bɔ a nǝfilii.

Ibranii 8:5

Jǝ maa maajɨgɔ a lɔ tǝlatǝm twama nɨ n jelkalǝng lɔ nɨ a dʌbʌli. N jʊ a bwɨ Kwaama a gʊ lɔl Musaɨ nǝn kwamagɔ maam fɛkalɨ mɔtǝm lɔ tǝlatǝm twamagɔ lɛɨ, a sʊwa gɔ, “Bɛ ń kaa lɔl mʊnɔ. Bɛ ń fɛka kanjǝlɔ a yɔ tʌgo kanga mǝ sʊwa ń a dʌbʌl yemi.”

Ibranii 9:1

Swatǝm yaa tɨkǝgagɔ nǝn diiltɨn gǝnɔ na maatǝm bǝlátǝm jǝbɔ lɔ maatǝm gǝnɔ, wʊnɨ nǝbɔ a fɛka a yoolii.

Ibranii 9:23

N kanjǝl nɨ a yǝlam nyɔ jǝ butim kanjǝl nɨ lɛ a jelka kanjǝl nɨ a dʌbʌli. A kanjǝl nɨ a dʌbʌli jǝ buti ji nǝn tǝlatǝm twama nɨ a laa kanjǝl nɨ bʊmǝnɨ.

Ibranii 9:9

Wʊnɨ nǝn gɔ jʊ nʊng lɛ a kwama nɨ kǝngkɨɨ. Nǝtǝm kanjǝlɔ jǝbɔ tǝlatǝm twamagɔ mɨsɔ saal nǝl nǝb bwangtǝmɨ lɛ sagsag.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

Dʊgam Nyangnyang 8:3

Kaa bwɛ twama Kwaamaɨ ba tɨ a daa twɨtǝm yulʌn, a ta taasa mʊn a kang. Nǝngɔ ja nǝ gǝn jǝ twɨtǝm nɨ nǝn kunʌn lǝmɨɨ, dɨsɔ a mʊr jǝbɔ keli nǝb sagsagɔ, sǝ a do a yɔ nǝn a daa twɨtǝm yulʌn na mʊnɔ a kǝga kotere fɔlɔnɨ.