Ibranii 6:18 - Dadiya NT

¹⁸ Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

Ibranii 6:18 Խաչաձեւ Հղումներ

Matta 24:35

Dʌbʌlɔ jǝbɔ tǝmɔ dɨ dɨ, kɛl mǝndɨ mɨsɔ dɨ lɛ wo.

Matta 3:7

Nǝn kwama a kuwo nǝbɔ Farisaɨ jǝbɔ nǝbɔ Sadukiyaɨ a lada nyɔ bɛ lɛ a daa gǝ woi, sǝ ga yʊ ji mwɛ sagsagɨɨ, nǝngɔ a sʊwa ji gɔ, “Jǝ́ bɛlɨ faatɨn! Nuwo a gʊ lɔl jenɔ gɔ jǝ́ mwal nabwɨl Kwaamaɨ nɨ bɛ lɛɨ?

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Roma 15:5

Kwaama nɨ nǝ kʊʊtǝm nǝl lɛ jǝbɔ bwatǝm nǝlɨ, bɛ a nǝ jen yɨm nyan jǝbɔ kambɔ a bwangtǝm Yesu Kiristii,

Roma 3:25

Kwaama a tʊng Yesu Kiristi, a yǝlam tǝlatǝm tʊʊm twama na kǝlǝmtǝm bwɨlangkɛl. N gola nǝtǝm bɨlǝngkɛl a daa gǝ woi. Kwaama a maa nyɔ sǝ a nʊng dǝngdǝng gǝnɔ, jʊ a bwɨɨ galɨgǝn n bwatǝm nǝl gǝnɔ a mam nu a bwɨlangkɛltɨn nɨ ja kwɛl ja maaɨ.

Roma 3:4

Ɔ ɔ mɨ nyɔ! Bɨlǝngǝn Kwaama n Nǝ dǝngdǝng, mɨ nyǝmatǝm wo. Nǝbɔ gwam n nǝb gabakɛl. Kanga a mʊla mʊlaɨ gɔ, “Na ń sʊwa kɛlɨ, jǝ nya n bɨlǝngǝn, mʊ ja ja kɛl mʊnɔ na ja yɔ nǝn mɔ a kan borangɨ.”

Roma 5:5

Yatǝm nǝlɔ mɨ gǝ bɛ lɛ nǝn gunidul, jʊ a bwɨɨ Kwaama a kwɛl a tal swɨtǝm gǝnɔ a nǝl bǝnɔ gǝm, a gola Yʊwa Kwaamaɨ nɨ ga nǝ bǝnɨ.

Filibii 2:1

Kiristi a kʊʊ jem nǝl. Swɨtǝm gǝnɔ a yʌb jem nǝl. Yʊwa Kwaamaɨ a mʊrka jen. Jǝ́ nʊngka bʊnatǝm jǝbɔ swɨkan.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

1 Timoti 1:1

Nǝmǝ mǝ Bulus bwɛ twama Kiristi Yesui a diil Kwaama Nǝbʊʊlɨ bǝnɨ jǝbɔ a Kiristi Yesui, nʊ bǝ ya nǝl a daa gǝ woi.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.

2 Timoti 2:13

Na bǝ ta bɔ swatǝm yaa bǝnɨ, a gǝnɔ mɨsɔ bǝla tatǝm swatǝm yaa gǝnɔ lɛ, jʊ a bwɨɨ mɨsɔ kana dul gǝnɔ lɛ.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

Ibranii 3:11

Nǝngɔ mǝ wɛɛl wɛɛlɨ nǝn nabwɨl mǝ sʊwa mǝʊ, ‘Mɨsɔ jǝ dɔ daa fǝbtǝm mǝndɨ lɛ wo, dǝm.’ ”

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 6:17

Kwaama tǝgǝn swɨ lɛ a nʊng nǝbɔ jʊ nɨ gǝ maa swatǝm yaa mɨsɔ gǝ fʌto lɛ woi, gǝ nʊng nǝn wɛɛlɨ.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

Ibranii 7:21

A gǝnɔ a yǝlam nǝkǝla nǝn wɛɛlɨ nǝn kwama Kwaama a sʊwa gǝn gɔ, “Tɛlalɔ a wɛɛl mɨsɔ fʌto kɛl gǝnɔ lɛ gɔ, ‘Mʊ n nǝkǝla, mɨ dɨtǝm wo.’ ”

1 Yohana 1:10

Na bǝ sʊwa bǝngɔ bǝ maa bɔ bwɨlangkɛlɨ, bǝ kǝl gǝm gabakɛl. Kɛl gǝnɔ mɨ a nǝl bǝn.

1 Yohana 5:10

Gwam nʊ nɨ a nǝ bɨlǝngkɛl nǝn Bʊla Kwaamaɨ, nǝngǝn nǝn nǝtǝm nyiyo nɨ bɛ lɛ a daagɔ Kwaama woi a nǝl gǝn. Gwam nʊ nɨ a nǝ bɔ bɨlǝngkɛlɨ, a do Kwaama n nǝ gabakɛl, jʊ a bwɨɨ, ga nǝ bɔ bɨlǝngkɛl a nǝtǝm nyiyo Kwaamaɨ a maa Bʊla gɔ gǝmɨ.