Filimon 1:17 - Dadiya NT

¹⁷ A dul kɛl nɨ, na ń do i na fwalɨ yɨm mʊnɨ, bɛ ń yo gǝn kanga mʊ yo i.

Filimon 1:17 Խաչաձեւ Հղումներ

Matta 10:40

“Nʊ nɨ a yo jeni, a yo i. Nʊ nɨ a yo ii, a yo nʊ nɨ a twam ɨɨ.

Matta 18:5

Na nʊ nɨ a yo bwɛ dwalɨ win na nʊ nɨ nǝn dun mɨɨ, nǝmǝ ga yo i.

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Maajɨ Bɛtɔ Twamagɨɨ 16:15

Nǝn kwama a yʊ mwɛ sagsagɔ jǝbɔ nǝbɔ lɔ gɨɨ, nǝngɔ a jo nǝn a lɔ gɨɨ. A sʊwa gɔ, “Na jǝ́ jǝla mǝ nǝ nǝtǝm bɨlǝngkɛl a daagɔ Tɛlalɔ woi, jǝ́ bɛ ba jǝ́ yɨ a lɔ mɨ.” A kela nǝn nyɔ, nǝngɔ nǝn jǝlaɨ.

2 Korinti 8:23

A Titusi n fwalɨ yɨm mɨ. N fwalɨ maajɨ mɨ. Nǝ maa maajɨgɔ dakini sǝ nǝ tɨka jen. Kɛtǝlam nǝnɔ nɨ n nǝb twama mʊrkalɨtɨn nǝb bwangtǝm Kwaamaɨ, jǝ gung dʊʊlǝn Kiristii.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Filibii 1:7

N dǝngdǝng a daa mɨ woi ya n bʊʊla lɛ nǝn jen nyɔ gwam, jʊ a bwɨɨ n ya jen a nǝl mɨ. Na mǝ na a bwatǝmɨ, na mǝ na a kʌshitǝm fulon kɛl lǝmɨ nɨɨ, wʊnɨ mǝ nʊng jen nɛ n dǝngdǝngɨ, jǝ́ tǝga lǝma maajɨ Kwaamaɨ jǝbɔ mǝ.

1 Timoti 6:2

Jwaalɛb nɨ tɛlalɔ jinɔ n nǝb nǝtǝm bɨlǝngkɛlɨ, ka ja soga ji lɛ, jʊ a bwɨɨ jǝ kɛtǝlam a daa jen woi. Bɛ ja sʊtǝn maatǝm jwaalɛnɔ, jʊ a bwɨɨ nǝb nɨ nya bwili lɛ a maajɨ jinɔ gǝmɨ, n nǝb bwangtǝm, n nǝb nɨ jǝ swɨ lɛɨ. Bɛ ń mɛla jim, kʊʊ jim nǝl a dul kanjǝl nɨ.

Filimon 1:10

Mǝ kela ń nɛ a kɛl dul bʊla mɨ Onisimusi, wʊnɨ mǝ yǝlam tɛtɛ gɔ nǝn kwama ja bwa ɨ a lɔsomii.

Filimon 1:12

Mǝ twam gǝn nɛ, n nʊ nɨ a nǝl mɨ dangǝnɨ, yilo a daa mʊ woi.

Filimon 1:18

Na a maa mʊn kaa bwɨlangkɛlɨ, na mʊ bwang gǝm naan nɛɨ, bɛ ń dǝg ɨ n ywa ń.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.