Filibii 1:8 - Dadiya NT

⁸ Kwaama a nyǝm n swɨ jen na swɨtǝmɔ Kiristi Yesu maa jem lɛɨ.

Filibii 1:8 Խաչաձեւ Հղումներ

Filibii 4:1

Kɛtǝlam mɨ nɨ mǝ swɨ lɛɨ, wʊnɨ mǝ maa gom kuwotǝm jenɔ lɛɨ. Nǝjen jǝ́ jǝ fulotǝm nǝl mǝndɨ jǝbɔ dwang dul nɨ mǝ yo a dul maajɨ mɨɨ. Jǝ́ yɨ nǝn bɨlǝngkɛl a daa Tɛlalɔ woi.

Roma 1:9

Kwaama nɨ mǝ maa gǝm maajɨ lɛ nǝn nǝl mɨ gwam a dul kiyotǝm fulon kɛl lǝmɨ Bʊla gɨɨ, n nǝ nǝtǝm nyiyo a dul mɨ kanga kwangkwang mǝ bʊʊla lɛ nǝn jen a mʊgɔ keli mǝndɨ gǝmɨ.

2 Timoti 1:4

Na nǝn kwama mǝ bʊʊla nǝn mwɛ num mʊnɨ, mǝ ya nǝl kuwotǝm mʊnɔ lɛ, sǝ n maa fulotǝm nǝl nyangǝn.

1 Tasalonikaɨ 2:8

Nǝn swɨ jen nɛ nǝn bɨlǝngǝn, n jʊ a bwɨ nǝn fɛka sǝ nǝn mal jem nyiyo a dul fulon kɛl lǝmɨɨ. N ke bɔ fulon kɛl lǝmɨ Kwaamaɨ nɨ kwaagɔ. Nǝn fɛka sǝ nǝn nǝ kʊlɨ nǝnɔ a kɛl dul jen, jʊ a bwɨɨ jǝ́ dɔ nǝl nǝnɔ dangǝn.

Roma 9:1

N bɨlǝngkɛl mǝ sʊwa lɛɨ, ke bɔ gabakɛl, jʊ a bwɨɨ mǝ na a Kiristi Yesui. Nǝl mɨ nǝn gɔ nɨ ɨ bwatǝm guu lɛɨ a gola Yʊwa Kwaamaɨ gɔ

Filimon 1:12

Mǝ twam gǝn nɛ, n nʊ nɨ a nǝl mɨ dangǝnɨ, yilo a daa mʊ woi.

Kolosii 2:1

Mǝ swɨ lɛ jǝ́ nyǝm dɔtatǝm nɨ mǝ dɔta lɛ a kɛl dul jeni, jǝbɔ nǝb nɨ a Lawudikiyaɨ, jǝbɔ nǝb nɨ ja kuwo i bɔ woi kǝga jǝbɔ kǝgaɨ.

Galatiya 4:19

Jǝ́ bɛtɔ lɔ mɨɨ dwalǝnɔ, mǝ yǝla mǝ nɔɔ nɔɔ gaalan a dul jen na nɔɔlɨ nɨ bʌ bʌl lɛɨ, ba la nǝn a kwama nɨ jǝ́ yǝlam lɛ na Kiristii!

Galatiya 1:20

Jʊ nɨ mǝ mʊla jem lɛɨ ke bɔ gabakɛl. Bɨlǝngkɛl a kǝga Kwaamaɨ mǝ sʊwa lɛɨ.

2 Korinti 7:15

Swɨtǝm gǝnɔ a daa jen woi a laa a galɨgɔ, nǝn kwama nɨ a dɔ bʊʊlatǝm nǝn bwangtǝmɔ jǝ́ maa gǝm gwamɨ, jǝ́ yo gǝn nǝn nǝtǝm dʊʊnɨ.

2 Korinti 6:12

Ke bɔ nǝn nǝ yʊ jen nǝl nǝnɨ, nǝjen jǝ́ yʊ nǝn nǝl jeni.

Luka 1:78

Kwaama bǝnɔ a bʊʊ nǝn bǝn nyɔ a dul gʌleng bʊnatǝm gǝnɔ gǝm. A gola bʊnatǝm gǝnɔ, nyalǝmɔ won won a dʌbʌl a gǝla a dul bǝn,

1 Yohana 3:17

Gwam nʊ nɨ nǝn jǝ kang a yooli nɨɨ, kuwo kɨla gɔ lɛ nǝn bʊnǝn, a mam nu a dul gǝnɨ, la swɨtǝm Kwaamaɨ na nyǝn a nǝl gǝn?

Filimon 1:20

Kɛgɔ, mǝ swɨ lɛ n nya tɨkalɨ a daa mɔ woi a mʊgɔ Tɛlalɔɨ. Bɛ ń fulo mɨ nǝl a mʊgɔ Kiristii.

1 Tasalonikaɨ 2:5

Kanga jǝ́ nyǝmɨ, mɨ nǝn nǝn lǝma nyiyo jǝbɔ wɛl a nǝl nǝn. Kwaama nǝn gɔ a nǝ nyiyo a nǝn gǝmɨ.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

Filibii 2:26

A kʊta na swɨ lɛ a kuwo jen gwamɨ, jʊ a bwɨɨ a nya komʌn a fulon kɛl bɔɔla gǝnɔ jǝ́ nyʊwaɨ.

Filibii 2:1

Kiristi a kʊʊ jem nǝl. Swɨtǝm gǝnɔ a yʌb jem nǝl. Yʊwa Kwaamaɨ a mʊrka jen. Jǝ́ nʊngka bʊnatǝm jǝbɔ swɨkan.

2 Korinti 13:9

N fulotǝm nǝl nǝ maa lɛɨ na nǝ gɨyaɨ, jen jǝ́ kwam. Keli nǝnɔ bɛ jǝ́ yii dangǝn.

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.