Afisa 5:21 - Dadiya NT

²¹ Bɛ jǝ́ nǝbka dul jenɔ a kɛl dul nǝtǝm Kiristii dʊʊn.

Afisa 5:21 Խաչաձեւ Հղումներ

1 Korinti 16:16

jǝ́ nǝ nǝb nɨ dʊʊn gwam, jǝbɔ nǝb nɨ n fatǝm maajɨ bǝn jǝbɔ gaalan bǝnɨ.

2 Korinti 5:11

Kanga nǝ nyǝm nǝn nyʊwa taal Tɛlalɔɨ lɛɨ, n jʊ a bwɨ nǝn gʊ nǝbɔ lɛ a daagɔ Kwaama woi. Kwaama a nyǝm nǝn, nǝn ya nǝl lɛ jen tʌjen gǝ na nyɔ a nǝl jen.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Afisa 5:22

Jǝ́ nɔɔtǝm naatǝmɔ jǝ́ nǝ batǝlam jenɔ dul jenɔ, kanga jǝ́ maam Tɛlalɔ gǝm lɛɨ.

Afisa 5:24

Kanga mʊrkalɨ nǝb bwangtǝm Kwaamaɨ a nǝ Kiristi dul gǝnɨ, nɔɔtǝmɔ tʌji ja nǝ batǝlam jinɔ dul jinɔ a kanjǝlɔ gǝm gwam.

Filibii 2:3

Ka jǝ́ maa lɛ swɨtǝm dul jǝbɔ gungtǝm dul. Jǝ́ na nǝn shigtǝm dul. Jǝ́ do nǝbɔ a laa jen laaɨ.

1 Timoti 2:11

Bɛ nɔɔlɨ a yɨ shig a mɛlalɨ nǝn shigtǝm dul.

1 Timoti 3:4

N nǝ dʌngtǝm nǝbɔ lɔ gɨɨ dangǝn, dʌng bɛtɔ lɔ gɨɨ lɛ sǝ ja yǝlam nǝb shigtǝm dul jǝbɔ nǝtǝm dʊʊn.

Ibranii 13:17

Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.

1 Bitrus 2:13

A kɛl dul Tɛlalɔɨ, jǝ́ nǝ shigtǝm dul a daagɔ nǝb maatǝm borangɔ woi gwam. Jǝ́ nǝ shigtǝm dul a daa fɔlɔ dʊʊnɔ woi,

1 Bitrus 2:17

Bɛ jǝ́ nɨ nǝbɔ pʌd dʊʊn. Jǝ́ swɨ kɛtǝlam nǝb bwangtǝmɔ. Jǝ́ nyʊwa taal Kwaamaɨ. Jǝ́ nǝ fɔlɔgɔ dʊʊn.

1 Bitrus 5:5

Jǝ́ bayǝlǝmɔ, jǝ́ nǝ shigtǝm dul a nǝb dʊʊm bwangtǝmɔ gǝm. Pʌd jenɔ bɛ jǝ́ nǝbka shigtǝm dul, jʊ a bwɨɨ, “Kwaama maa kii lɛ jǝbɔ nǝb gungtǝm dulɔ, maa nǝb shigtǝm dulɔ gǝm lǝma lɛ.”