Afisa 2:12 - Dadiya NT

¹² Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

Afisa 2:12 Խաչաձեւ Հղումներ

Luka 1:72

sǝ a ji bʊnǝn tʊgalam bǝnɨ, sǝ a bʊʊla nǝn swatǝm yaa sagsag nɨ ga maa jimi.

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Yohana 15:5

“Nǝmǝ mǝ tɨya fogfogigɨɨ, nǝjen jǝ́ kang tɨyantɨnɨ. Nʊ nɨ a yɨ a mʊgɔ mɨɨ, mǝ tǝmɨ mǝ a mʊgɔ gǝnɨ, nǝn gɔ tʊʊ tʊʊl lɛ a ladaɨ. Na ke bɔ a mʊgɔ mɨɨ, mɨsɔ jǝ́ dwal lɛ jǝ́ maa kaa jǝl.

Yohana 4:22

Jǝ́ nǝbɔ Samariyaɨ, jǝ́ nyǝm bɔ jʊ jǝ́ dʊʊl gǝm lɛɨ. Nǝn Yahudawagɔ nǝn nyǝm jʊ nǝn dʊʊl gǝn nɛɨ, jʊ a bwɨɨ bʊʊtǝmɔ a jel a daagɔ Yahudawagɔ woi.

Maajɨ Bɛtɔ Twamagɨɨ 2:39

Jʊ nɨ nǝn gɔ swatǝm yaa Kwaamaɨ a daa jen woi, jǝbɔ bɛtɔ lɔ jeni, jǝbɔ nǝb nɨ gwam a kʊta kʊtaɨ, nǝn gɔ a daa nǝb nɨ gwam Kwaama Tɛlalɔ bǝn a jo ji a daa gǝ woi.”

Maajɨ Bɛtɔ Twamagɨɨ 28:20

N dul kɛl nɨ mǝ saa sǝ n kuwo jeni, sǝ n kiyo kɛl nǝbɔ jeni. N kɛl dul nʊ nɨ nǝbɔ Israilaɨ ya nǝl bɛtǝm gǝnɔ lɛɨ, ja bwa ɨ nǝn golmanɨ.”

Maajɨ Bɛtɔ Twamagɨɨ 3:25

Nǝjen jǝ́ bɛtɔ lɔ nǝbkuwotǝmkǝga nɨɨ. Nǝjen tag jǝ́ yo swatǝm yaa nɨ lɛ Kwaama a maa tʊgalam jenɔ gǝmɨ. Nǝngɔ a sʊwa Ibrahim gɔ, ‘A mʊgɔ dʊʊm mʊn jǝ maa nyiyotɨn tǝm nɨ gǝm gwam bwili lɛɨ.’

Roma 9:8

Jʊ nɨ gǝ nʊng gɔ, yǝlamtǝm bɛtɔ lɔ Kwaamaɨ n ke bɔ yǝlamtǝm guu Ibrahimi a bʊtɔ, n guu swatǝm yaa nɨ jǝ kiyo lɛ gɔ n guu Ibrahimi dangǝnɨ.

Galatiya 4:8

Galɨgǝn jǝ́ nyǝm bɔ Kwaamaɨ, jǝ́ yǝlam jwaalɛb a bwangtǝm shom jǝbɔ jǝfʊlǝntɨn, kanjǝl nɨ mɨ a nyiyo jǝlɨ.

Afisa 2:19

Kǝngkɔ jǝ́ ke bɔ faabǝm. Jǝ́ ke bɔ Bʌtʌb. Jǝ́ nǝb yɨm dul jǝbɔ nǝb sagsagɔ. Jǝ́ nǝbɔ lɔ Kwaamaɨ.

Afisa 4:18

Nǝl jinɔ gǝ na a kumtojili, ja wʊlaka ji jǝbɔ kʊlɨ Kwaamaɨ, jʊ a bwɨɨ mɨ ji nǝn nyǝmtǝm a daa ji woi, a dul kwamǝn nǝl jinɔ gǝm.

Kolosii 1:21

Galɨgǝn jǝ́ kʊtaka jǝbɔ Kwaama. Jǝ́ yǝlam nǝb kiim gǝn a bʊʊlalɨ jenɔ gǝm, nǝb maajɨ bwɨla.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

1 Tasalonikaɨ 4:13

Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.

1 Tasalonikaɨ 4:5

ke bɔ a gola bulon kanga Bʌtʌbɔ gǝ maam lɛɨ, nǝb nɨ a nyǝm bɔ Kwaamaɨ.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

1 Timoti 1:1

Nǝmǝ mǝ Bulus bwɛ twama Kiristi Yesui a diil Kwaama Nǝbʊʊlɨ bǝnɨ jǝbɔ a Kiristi Yesui, nʊ bǝ ya nǝl a daa gǝ woi.

Ibranii 11:34

Nǝb nɨ n gola nǝtǝm bɨlǝngkɛl tag ja dum ben kǝlaɨ, ja bʊʊ jatǝm nyiyo gulʌni, jǝ nǝb nɨ mɨ ji nǝn kwaanɨ ja yǝlam nǝb kwaan, jǝ nǝb tatǝm kun, ja kaa kaam nǝb tatǝm kun tuulɔtɨnɔ.

Ibranii 6:18

Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

Ibranii 8:6

Bɨlǝngǝnɔ n wɔ, Yesu a nya maajɨ nǝkǝla nɨ a laa a nǝbkǝlamɨɨ, kanga swatǝm yaa nɨ a yǝlam a tɨbǝl bǝnɨ a laa a galɨgɨɨ, wʊnɨ ja yo gǝn a dul swatǝm yaatɨn nɨ a laa a galɨgɨɨ.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.