Maajɨ Bɛtɔ Twamagɨɨ 8:14 - Dadiya NT

¹⁴ Nǝn kwama bɛtɔ twama nɨ a Urushalimaɨ a nyʊwa nǝbɔ Samariyaɨ a yo kɛl Kwaamaɨ, nǝngɔ ja twam jim Bitrus jǝbɔ Yohanaɨ.

Maajɨ Bɛtɔ Twamagɨɨ 8:14 Խաչաձեւ Հղումներ

Matta 13:23

Dʊʊm nɨ a yal a tǝm nyaɨ, gǝ nʊng nʊ nɨ a nyʊwa kɛl Kwaamaɨ, a nyǝm, maa maajɨ lɛ nǝnɨ, jǝg dʊʊmɔ lɛɨ, kaamɨ fʊlkʊb win win, kaamɨ fʊltǝnukun nukun, kaamɨ fʊtǝtaal taal.”

Luka 22:8

Yesu a twam Bitrus jǝbɔ Yohana gɔ, “Ya jǝ́ fɛka bǝm jǝjalǝn Dikulom Yabtǝmɔ sǝ bǝ ja.”

Yohana 12:48

Nʊ nɨ a kɔ ɨɨ, a yo bɔ kɛl mǝndɨ tagɨ, nǝngǝn nǝn jʊ nɨ maa gǝm borangɔ lɛɨ. Kɛl nɨ mǝ sʊwa lɛɨ, nǝn gɔ maa gǝm borang lɛ a kɔkɔ dɨltǝmɨ.

Maajɨ Bɛtɔ Twamagɨɨ 11:1

Bɛtɔ twamagɔ jǝbɔ tangǝn nǝb bwangtǝmɔ a Yahudiyaɨ, ja nyʊwa gɔ Bʌtʌbɔ a yo kɛl Kwaamaɨ.

Maajɨ Bɛtɔ Twamagɨɨ 15:4

Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ.

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Maajɨ Bɛtɔ Twamagɨɨ 8:1

Shawulu a jǝla nǝn jʌtǝmɔ ja maa Istifanus gǝmɨ. Nǝn kum gɔ, gʌleng gaalanɔ a gun a mʊrkalɨ nǝb bwangtǝm Kwaamaɨ nɨ gǝm a Urushalimaɨ. Nǝb bwangtǝmɔ a kwɨya nǝn kwan a Yahudiya jǝbɔ Samariya. A bǝlam ka bɛtɔ twama a Urushalima.

Galatiya 2:9

A kwama nɨ Yakubu, jǝbɔ Bitrus jǝbɔ Yohana, ji nɨ jǝ dʊʊm nǝb bwangtǝmɨ, ja kuwo lǝma nɨ Kwaama a maa mɨɨ, nǝngɔ ja yal nǝn nǝn kangɨ, mǝ nǝbɔ Barnaba sǝ a nʊng ja yo nǝn nǝlɔ win. Nǝn jǝlaka a kʊm nǝn nǝngɔ nǝn yɔ a daagɔ Bʌtʌb woi, nǝngɔ ja yɔ a daa Yahudawagɔ woi.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

1 Tasalonikaɨ 3:2

Nǝn twam Timoti, wʊnɨ nǝn kɨla nǝnɨ, n fwalɨ maajɨ nǝn a dul maajɨ Kwaamaɨ a kiyotǝm fulon kɛl lǝmɨ Kiristii, sǝ a sʊ jem kwaan, a kʊʊ jem nǝl a nǝtǝm bɨlǝngkɛl jenɔ gǝm.

2 Tasalonikaɨ 2:10

Maa maa maajɨ nǝn kanjǝl bwɨla sǝ a swag nǝb nɨ a gola bʊlatǝmɨ, jʊ a bwɨɨ ja kɔ swɨtǝm bɨlǝngkɛl wʊnɨ jǝ bʊʊm lɛɨ.