Maajɨ Bɛtɔ Twamagɨɨ 7:52 - Dadiya NT

⁵² A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ.

Maajɨ Bɛtɔ Twamagɨɨ 7:52 Խաչաձեւ Հղումներ

Matta 5:12

Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Luka 6:23

“Bɛ nǝl jenɔ a fulo nǝn jʊ nɨ a bwɨ nǝn jeni, bɛ jǝ́ yo nǝn bǝlátǝm, jʊ a bwɨɨ kanjǝlɔ jǝ́ nya lɛ a dʌbʌli a gǝlala. Tʊgalam jinɔ a maa nǝbkuwotǝmkǝgagɔ gǝm nyɔ.

Yohana 16:10

Bʊʊlalɨ jinɔ mɨ dǝngdǝng a jʊ nɨ dǝngdǝngɨ, jʊ a bwɨɨ mǝ yi a daagɔ Tɛtɛ woi, mɨsɔ jǝ́ kuwo i lɛ wo tag.

Maajɨ Bɛtɔ Twamagɨɨ 2:23

Yesu nɨ, ja nǝ gǝn a kang jeni kanga Kwaama a fɛkam nǝn nyǝmtǝm gǝn nǝn tɨkǝgaɨ, jǝ́ kʊʊ gǝn, jǝ́ jʌ gǝn, a kang nǝb bwɨlamɨ.

Maajɨ Bɛtɔ Twamagɨɨ 22:14

“Nǝngɔ a sʊwa ɨ gɔ, ‘N Kwaama tʊgalam bǝnɨ a jǝg ń sǝ ń nyǝm jʊ swɨ lɛɨ, sǝ ń kuwo Nǝ Dǝngdǝng nɨ, sǝ ń nyʊwa kɛl gǝnɔ.

Maajɨ Bɛtɔ Twamagɨɨ 3:18

Kwaama a yii jʊ nɨ a sʊwa a nyiyo nǝbkuwotǝmkǝgagɔ gwamɨ gɔ, Kiristi gǝnɔ nyʊwa nyʊwa gaalan.

Maajɨ Bɛtɔ Twamagɨɨ 3:24

“N bɨlǝngǝn, nǝbkuwotǝmkǝga nɨ gwam a maa kuwotǝmkǝgaɨ, jʊ a ta a dul Samailaɨ, a ba la nǝn a nǝb nɨ a bɛ a gul gǝnɨ, ja sʊwa kɛl a dul kumtɨn nɨ gǝm.

Maajɨ Bɛtɔ Twamagɨɨ 4:10

Bɛ jǝ́ nyǝm pʌd gwam jenɔ jǝbɔ nǝbɔ Israilaɨ gwam, n mʊgɔ dun Yesu Kiristii, Bwɛ Nazarat wʊnɨ jǝ́ kʊʊ a dʌbʌl tɨyaɨ, wʊnɨ tag Kwaama a gung gǝn a bwaaɨ, n kɛl dul gǝn nʊ nɨ tɨm a kǝga jen kwamɨgǝnɨ.

1 Tasalonikaɨ 2:15

N nǝbɔ a jʌ Tɛlalɔ Yesu jǝbɔ nǝbkuwotǝmkǝgagɨɨ, ja kaa nǝnɨ. Mɨ jǝ maa maajɨ nɨ lɛ Kwaama swɨ lɛɨ. N nǝb kɔtǝm nǝbɨɨ gwam.

2 Timoti 3:4

jǝbɔ nǝb katǝm naa, jǝbɔ nǝbɔ mɨ nǝn bʊʊlalɨɨ, jǝbɔ nǝb sogan, jǝbɔ nǝbɔ swɨ lǝma lɛ a laa jim swɨtǝm Kwaamaɨ.

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

Dʊgam Nyangnyang 19:10

Nyʊwatǝm jʊ nɨɨ, nǝngɔ mǝ jʊng a tǝm sǝ n maa gǝm bǝlátǝmɨ. Nǝngɔ a sʊwa ɨ gɔ, “Ka ń maa lɛ nyɔ! Mǝ bwɛ jwaalɛ na jen, jǝbɔ kɛtǝlam mʊnɔ, nǝb nɨ nǝ nyiyo lɛ a kɛl Yesui. Jǝ́ bǝlá Kwaamagɔ! Jʊ a bwɨɨ bɨlǝngkɛlɔ Yesu a nʊngɨ, nǝn gɔ a nǝ kwaan maatǝm maajɨ kuwotǝmkǝgagɨɨ.”

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.