Maajɨ Bɛtɔ Twamagɨɨ 4:10 - Dadiya NT

¹⁰ Bɛ jǝ́ nyǝm pʌd gwam jenɔ jǝbɔ nǝbɔ Israilaɨ gwam, n mʊgɔ dun Yesu Kiristii, Bwɛ Nazarat wʊnɨ jǝ́ kʊʊ a dʌbʌl tɨyaɨ, wʊnɨ tag Kwaama a gung gǝn a bwaaɨ, n kɛl dul gǝn nʊ nɨ tɨm a kǝga jen kwamɨgǝnɨ.

Maajɨ Bɛtɔ Twamagɨɨ 4:10 Խաչաձեւ Հղումներ

Matta 2:23

A shu ya yɨ nǝn gɔ a kaa tuulɔ nɨ jǝ jo lɛ gɔ Nazaratɨ, sǝ a yii jʊ ja sʊwa a nyiyo nǝbkuwotǝmkǝgagɨɨ gɔ, “Jǝ jo gǝn gɔ Bwɛ Nazarat.”

Luka 18:37

Nǝngɔ ja sʊwa gǝn gɔ, “Nǝn Yesu Bwɛ Nazarat shu lɛɨ.”

Maajɨ Bɛtɔ Twamagɨɨ 2:32

Kwaama a gung Yesu nɨ a bwaa, pʌd gwam nǝnɔ nǝn kuwo kuwoi nǝn nu nǝn.

Maajɨ Bɛtɔ Twamagɨɨ 2:36

“A dul kɛl nɨɨ, mɨ nyǝmatǝm wo bɛ nǝbɔ Israilaɨ gwam a nyǝm, Yesu nɨ jǝ́ kʊʊ gǝnɨ, Kwaama a dǝg gǝn a yǝlam Tɛlalɔ jǝbɔ Kiristi.”

Maajɨ Bɛtɔ Twamagɨɨ 28:28

“Bɛ jǝ́ nyǝm nyɔ, Kwaama a twam fulon kɛl bʊʊtǝm nɨ a daa Bʌtʌbɔ woi, jǝ nyʊwa nyʊwa.” [

Maajɨ Bɛtɔ Twamagɨɨ 3:6

Nǝngɔ Bitrus gɔ, “Kemʌnɔ jǝbɔ mʊnɔ mɨ mǝ nǝn. Jʊ mǝ nǝnɨ, mǝ nǝ ń nǝ ń. A mʊgɔ dun Yesu Kiristii bwɛ Nazaratɨ, gun, yɔ yɔmɔ.”

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.