Maajɨ Bɛtɔ Twamagɨɨ 3:25 - Dadiya NT

²⁵ Nǝjen jǝ́ bɛtɔ lɔ nǝbkuwotǝmkǝga nɨɨ. Nǝjen tag jǝ́ yo swatǝm yaa nɨ lɛ Kwaama a maa tʊgalam jenɔ gǝmɨ. Nǝngɔ a sʊwa Ibrahim gɔ, ‘A mʊgɔ dʊʊm mʊn jǝ maa nyiyotɨn tǝm nɨ gǝm gwam bwili lɛɨ.’

Maajɨ Bɛtɔ Twamagɨɨ 3:25 Խաչաձեւ Հղումներ

Luka 1:72

sǝ a ji bʊnǝn tʊgalam bǝnɨ, sǝ a bʊʊla nǝn swatǝm yaa sagsag nɨ ga maa jimi.

Maajɨ Bɛtɔ Twamagɨɨ 13:26

“Kambɔ, dʊʊm Ibrahimi jǝbɔ jen Bʌtʌbɔ nyʊwa taal Kwaamaɨ lɛɨ, n daagɔ bǝn woi ja twam kɛl bʊʊtǝm nɨɨ.

Maajɨ Bɛtɔ Twamagɨɨ 2:39

Jʊ nɨ nǝn gɔ swatǝm yaa Kwaamaɨ a daa jen woi, jǝbɔ bɛtɔ lɔ jeni, jǝbɔ nǝb nɨ gwam a kʊta kʊtaɨ, nǝn gɔ a daa nǝb nɨ gwam Kwaama Tɛlalɔ bǝn a jo ji a daa gǝ woi.”

Roma 15:8

Mǝ sʊwa jen nɛ, Kiristi a yǝlam bwɛ jwaalɛ a daagɔ Yahudawagɔ woi, sǝ a nʊng bɨlǝngkɛl Kwaamaɨ, sǝ a yii swatǝm yaa Kwaamaɨ wʊnɨ a maa tʊgalam jinɔ gǝmɨ.

Roma 4:13

Swatǝm yaa nɨ ja maa Ibrahim gǝm jǝbɔ dʊʊm gǝnɨ, sʊwa lɛ gɔ ja ja kʊla yooligɨɨ, a bɛ bɔ a gola diil. N gola dǝngdǝng nɨ jǝ nya lɛ a gola nǝtǝm bɨlǝngkɛlɨ.

Galatiya 3:16

Kwaama a maa swatǝm yaa jǝbɔ Ibrahim, jǝbɔ dʊʊm gǝnɔ. Kɛl Kwaamaɨ a sʊwa bɔ gɔ, “Kʌm dʊʊm” wʊnɨ nʊng lɛ gɔ a ladaɨ. Mɨ nyɔ. A sʊwa gɔ “Dʊʊm mʊnɔ” wʊnɨ a nʊng nʊ wini, nǝn gɔ nǝn Kiristi.

Galatiya 3:29

Na jǝ́ na a Kiristii, jǝ́ dʊʊm Ibrahimi. Jǝ́ yo yo kʊla nɨ Kwaama a maa swatǝm yaa gǝnɨ.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Dʊgam Nyangnyang 14:6

Nǝngɔ mǝ kuwo kaa bwɛ twama Kwaamaɨ bola lɛ a dʌbʌl kwamaɨ, bɛ lɛ nǝn fulon kɛl lǝmɨ nɨ mɨ dɨtǝm woi, sǝ a kiyo tǝmɔ yooli nɨ, jǝbɔ Bʌtʌbɔ, jǝbɔ nyiyotɨnɔ, jǝbɔ nǝbɔ gwam.

Dʊgam Nyangnyang 5:9

Jǝ ma nafɨ fɨgɔ lɛ jǝ sʊwa lɛ gɔ: “Ń la nyɔ ń do langǝn bwangǝn nɨ, ń gwalam mɛltɨn nɨ ja bʊltɨ tʌgoi, jʊ a bwɨɨ galɨgǝn ja jʌ ń, nǝmɔ tag mʊ ten Kwaama gǝm nǝbɔ a gola tʊʊm mʊnɨ. Mʊ ten Kwaama gǝm nǝbɔ a daagɔ nyiyotɨnɔ woi pʌd jǝbɔ bǝlǝntǝmɔ gwam.

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.