Maajɨ Bɛtɔ Twamagɨɨ 2:43 - Dadiya NT

⁴³ Taalɔ a ta nǝbɔ gwam, jʊ a bwɨɨ bɛtɔ twamagɔ maa kanjǝl laatǝm kang lɛ jǝbɔ nʊngtǝm kanjǝl tatǝm kang a nyiyo a lada.

Maajɨ Bɛtɔ Twamagɨɨ 2:43 Խաչաձեւ Հղումներ

Markus 16:17

Nǝb bwangtǝm mǝndɨ maa maa kanjǝl nɨ sǝ a nʊng bɨlǝngkɛl jinɔ. Kanjǝl nɨ nǝn gɔ: A mʊgɔ dun mɨ, jǝ jǝg jǝg nǝblaamɔ. Jǝ sʊwa sʊwa kɛl nǝn ben fɨntɨn.

Luka 7:16

Taalɔ a ta ji gwam. Jǝ bǝlá Kwaama lɛ jǝ sʊwa lɛ gɔ, “Gʌleng nǝkuwotǝmkǝga a bɛ a kʊm bǝn. Kwaama a bɛ sǝ ba tɨka nǝb gǝnɔ.”

Luka 8:37

Nǝbɔ a tǝm Garasinaɨ a kuwo gwam, taalɔ a ta ji. Nǝngɔ ja kela Yesu gɔ a bǝla tǝm jini. Nǝngɔ a yǝla a dɔ mʊgɔ tɨyamwɛngɔ a shui.

Yohana 14:12

N bɨlǝngkɛl mǝ sʊwa jen nɛɨ, gwam nʊ nɨ a nǝ bɨlǝngkɛl nǝn mǝɨ, maa maa maajɨtɨn nɨ mǝ maa lɛɨ. Gǝ maa maa maajɨtɨn nɨ a laa a nɨɨ, jʊ a bwɨɨ mǝ yi a daagɔ Tɛtɛ woi.

Maajɨ Bɛtɔ Twamagɨɨ 2:22

“Jǝ́ kɛtǝlam mɨ nǝbɔ Israilaɨ, jǝ́ nyʊwa kɛl nɨ. Yesu Bwɛ Nazarat nǝn gɔ nʊ nɨ Kwaama a nʊng gɔ nǝn gɔ gǝ jǝla nǝn gɨɨ. Kwaama a nʊng jʊ nɨ a kanjǝl laatǝm kang, jǝbɔ kanjǝl tatǝm kang a nyiyo, jǝbɔ kanjǝl nʊngtǝm wʊnɨ ga maa a gola Yesui a kʊm jeni, kanga jen tʌjen jǝ́ nyǝmɨ.

Maajɨ Bɛtɔ Twamagɨɨ 4:33

Nǝn gʌleng kwaan, bɛtɔ twama nɨ a nǝ nyiyo a guntǝm Tɛlalɔ Yesui a bwaaɨ. Bwili lǝma Tɛlalɔɨ a lada yɔm jǝbɔ ji gwam.

Maajɨ Bɛtɔ Twamagɨɨ 5:5

Nǝn kwama Hananiya a nyʊwam kɛl nɨɨ, nǝngɔ a gǝla yal a tǝm a bʊlaɨ. Nǝn kwama nǝb nɨ gwam a nyʊwam jʊ nɨɨ, taalɔ a ta ji dangǝn.

Maajɨ Bɛtɔ Twamagɨɨ 9:34

Nǝngɔ Bitrus a sʊwa gǝn gɔ, “Iniyasu, Yesu Kiristi a gung ń. Gun, kʊlʊm daa daalǝng mʊnɔ.” Tʌgo a kang Iniyasu a gun.

Maajɨ Bɛtɔ Twamagɨɨ 9:40

Nǝngɔ Bitrus a jǝg ji gwam a yoolii, a jʊng a maa keligɨɨ. A yǝla a daagɔ bʌlʌnɔ woi, a sʊwa gɔ, “Tabita, gun.” Nǝngɔ a wum nu gǝnɨ. A kuwo Bitrusi, nǝngɔ a gun a yɨ yɨɨ.