Maajɨ Bɛtɔ Twamagɨɨ 11:18 - Dadiya NT

¹⁸ Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 11:18 Խաչաձեւ Հղումներ

Matta 9:8

Nǝb nɨ a mʊrkaɨ a kuwo nyɨɨ, nǝngɔ taalɔ a ta jii, ja bǝlá Kwaama nɨ a nǝ nǝbɔ fɔlɔnɨ.

Maajɨ Bɛtɔ Twamagɨɨ 11:1

Bɛtɔ twamagɔ jǝbɔ tangǝn nǝb bwangtǝmɔ a Yahudiyaɨ, ja nyʊwa gɔ Bʌtʌbɔ a yo kɛl Kwaamaɨ.

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Maajɨ Bɛtɔ Twamagɨɨ 15:3

Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

Maajɨ Bɛtɔ Twamagɨɨ 21:20

Ja nyʊwa nyɨɨ, nǝngɔ ja bǝlá Kwaamagɨɨ, ja sʊwa Bulus gɔ, “Ń kuwo, kɛgɔ, bwɨ nǝbɔ a lada a kʊm Yahudawagɨɨ ja nǝ bɨlǝngkɛl. Gwam jinɔ jǝ bwangtǝn diilɔ lɛ dǝngdǝng.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Maajɨ Bɛtɔ Twamagɨɨ 3:26

Nǝn kwama nɨ Kwaama a jǝgǝm bwɛ jwaalɛ gǝnɨ, a tǝl a twam gǝn a daa jen woi, sǝ a dǝg jem bwili a gola yǝlamtǝm nǝn jen gwam a bwɨlan.”

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Roma 9:30

N wɛ bǝ sʊwa lɛ tagɨ? Nǝb nɨ n Bʌtʌb ja saa bɔ dǝngdǝng Kwaamaɨ n wɔ ja nya. Ja nya dǝngdǝng nɨ a gola nǝtǝm bɨlǝngkɛl.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 7:10

Nǝn gɔ kaltǝm nǝlɔ Kwaama swɨ lɛɨ. Gǝ dǝg nǝl a yǝla a bǝla bwɨlangkɛlɨ gǝnɔ. Gǝ bɛ nǝn nyatǝm bʊʊtǝm, mɨsɔ bɛ lɛ nǝn, “Na n nyǝmɨ.” Kaltǝm nǝl yooli nɨ, gǝ bɛ nǝn bwaa.

Galatiya 1:24

Nǝngɔ ja bǝlá Kwaama nǝn jʊ nɨ ga maa a daa mǝ woi.