2 Tasalonikaɨ 2:13 - Dadiya NT

¹³ Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

2 Tasalonikaɨ 2:13 Խաչաձեւ Հղումներ

Luka 1:75

a gola yɨm sagsag jǝbɔ bwangtǝm Kwaamaɨ dǝngdǝng a kǝga Kwaamaɨ mɨ dɨtǝm wo.

Yohana 1:1

A tǝltǝmɔ gǝmɨ Kɛlɔ wo. Kɛlɔ gǝ na jǝbɔ Kwaama. Kɛl nɨ nǝn Kwaama.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Maajɨ Bɛtɔ Twamagɨɨ 15:9

A nʊng bɔ gɔ bǝn nǝn dʌmʌn jǝbɔ ji. A saalǝm nǝl jinɔ a dul nǝtǝm bɨlǝngkɛl jinɔ gǝm.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

Roma 8:33

Nuwo yɔ lɛ nǝn nǝb nɨ Kwaama a jǝgǝmɨ a kan borangɨ? Kwaama nǝn kang gǝn a dǝg ji ja yǝlam nǝb dǝngdǝng a kǝga gǝn.

Roma 9:11

Nǝn kwama a lǝga bɔ a bʌ bɛtɨ yo nɨɨ, nǝn kwama ja lǝga bɔ ja maa jʊ nɨ a bʊmɨ jǝbɔ jʊ nɨ a bʊm bɨɨ, Kwaama a sʊwa gǝn gɔ, “Bwɛ dʊʊnɔ nǝ nǝ bwɛ dwalɨgɔ dʊʊn.” Kwaama a sʊwa nyɔ sǝ a nʊng nʊ nɨ gǝ jǝgǝmɨ, a jǝg gǝn a gola jǝlatǝm gǝn, ke bɔ a dul makajǝng nyantɨn, n jotǝm gǝn.

1 Korinti 1:21

Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

Kolosii 1:5

Nǝtǝm bɨlǝngkɛl nɨ jǝbɔ swɨtǝmɔ, a bɛ a yatǝm nǝl a jʊ nɨ ja ya jem a dʌbʌli. Jǝ́ kwɛl jǝ́ nyʊwa kɛl yatǝm nǝl nɨ a fulon kɛl lǝmɨ, kɛl bɨlǝngkɛlɔ.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

1 Tasalonikaɨ 1:4

Kambɔ, nǝn nyǝm Kwaama a swɨ jen. Nǝn gɔ a jǝgam jeni, sǝ jǝ́ yǝlam nǝb gǝnɨ.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

1 Tasalonikaɨ 4:7

Kwaama a jo bǝn bɔ sǝ bǝ yɨ yɨm nɨ mɨ sagsagɨɨ. A jo bǝn sǝ bǝ yɨ yɨm sagsag.

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

2 Tasalonikaɨ 2:10

Maa maa maajɨ nǝn kanjǝl bwɨla sǝ a swag nǝb nɨ a gola bʊlatǝmɨ, jʊ a bwɨɨ ja kɔ swɨtǝm bɨlǝngkɛl wʊnɨ jǝ bʊʊm lɛɨ.

2 Tasalonikaɨ 2:12

sǝ a mwɛ nǝb nɨ gwam a kɔ nǝtǝm bɨlǝngkɛlɨ, jǝ nyʊwa lǝma maatǝm shil lɛɨ.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

2 Timoti 2:15

Bɛ ń sʊtǝn kwaan maajɨ, sǝ ń yǝlam nǝ jǝlatǝm a daagɔ Kwaama woi, nǝ maajɨ nɨ mɨ gola nɨ wo nyʊwa gunidul lɛɨ, wʊnɨ mɛla bɨlǝngkɛlɔ lɛ dǝngdǝngɨ.

2 Timoti 3:15

Bɛ ń bʊʊla nǝn kwama nɨ mɔ a lɔ bwɛsǝnɨ, ń nyǝm Langǝn bwangǝntɨn sagsagɔ, wʊnɨ a tɨka ń a mɛla mʊn gola nyatǝm bʊʊtǝm a gola nǝtǝm bɨlǝngkɛl a mʊgɔ Kiristi Yesui.

Ibranii 1:10

A sʊwa tag gɔ, “Mɔ, Tɛlalɔ, nǝmɔ mʊ swa fʌlʌm yooligɔ a tǝltǝmɔ gǝmɨ. Dʌbʌltɨnɔ n maajɨ kang mʊn.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

1 Yohana 4:10

Swɨtǝmɔ a na nyɔ: Ke bɔ bǝn bǝ swɨ Kwaama lɛɨ, nǝn gɔ a swɨ bǝnɨ, a twam Bʊla gɔ sǝ ba tǝla tʊʊm gǝnɔ na kǝlǝmtǝm bwɨlangkɛl bǝnɨ.

1 Yohana 4:19

Bǝ nʊng swɨtǝm, jʊ a bwɨɨ nǝn gɔ a tǝl swɨtǝm bǝnɨ.