2 Korinti 8:18 - Dadiya NT

¹⁸ N wɔ nǝ twam kɨla nǝn nɨ jǝbɔ gɔ, wʊnɨ a nya bǝlátǝm a mʊrkalɨtɨn nǝb bwangtǝm Kwaamaɨ gǝm gwam a dul fulon kɛl lǝmɨ nɨ gǝ sʊwa lɛɨ.

2 Korinti 8:18 Խաչաձեւ Հղումներ

Roma 16:4

Ja nǝ kʊlɨ jinɔ ya la bwaa lɛ a kɛl dul mɨ. Ke bɔ mǝ kwaamɨ mǝ buu jim kang lɛ a dul jʊ nɨɨ, pʌd jǝbɔ mʊrkalɨtɨn nǝb bwangtǝm Kwaamaɨ nɨ n Bʌtʌbi.

1 Korinti 16:3

Na n bɛɨ, sǝ n twam nǝb nɨ jǝ́ jǝla nǝn jii nǝn langǝn bwangǝn, sǝ ja yɔ nǝn tɨkalɨ jenɔ a Urushalima.

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

1 Korinti 7:17

Bɛ nǝl a yɨ yɨm nɨ Tɛlalɔ a jo gǝn gɔ ga yɨɨ. Bɛ ga yɨ yɨm gǝnɔ kanga Kwaama a jo gǝn a dul gǝnɨ. Wʊnɨ nǝn gɔ diilɔ mǝ nǝ jen nɛ gwam a mʊrkalɨtɨn nǝb bwangtǝm Kwaamaɨ.

2 Korinti 12:18

N kela Titus mǝʊ a yɔ. N twam kaa kɨla bǝn dakini jǝbɔ gɔ. Titus a bǝm jen bǝm ka? Bʊʊlalɨ mɨ mɨ win jǝbɔ a gǝnɔ ka? Ke bɔ golagɔ win nǝn bwangtǝn nɛɨ ka?

2 Korinti 2:12

Nǝn kwama mǝ bɛ a Taruwasa sǝ n kiyo fulon kɛl lǝmɨ Kiristii, Tɛlalɔ a wum mɨ gola sǝ n maa maajɨ fʌleni.

2 Korinti 8:19

A sʊtǝnɨ, mʊrkalɨtɨn nǝb bwangtǝm Kwaamaɨ a jǝgǝm gǝn ya yɔ lɛ dakini jǝbɔ nǝnɨ, kanga nǝ do kemʌn nɨ ja nǝɨ. Nǝ maa maajɨ nɨ sǝ a gung dʊʊlǝn Tɛlalɔɨ, sǝ a nʊng tɨkalɨgɔ nǝn swɨ lɛ nǝn maaɨ.