1 Yohana 4:2 - Dadiya NT

² N gola nɨ jǝ́ nyǝm nʊ nɨ lɛ nǝngǝn nǝn Yʊwa Kwaamaɨ: Gwam nʊ nɨ a jǝla gɔ Yesu Kiristi a bɛ a bʊtɔɨ, nʊ gɔ nǝngǝn nǝn Yʊwa Kwaamaɨ.

1 Yohana 4:2 Խաչաձեւ Հղումներ

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

1 Korinti 12:3

A na nyɔ mǝ sʊwa jen nɛ, gɔ mɨ nǝn nʊ nɨ sʊwa kɛl lɛ nǝn Yʊwa Kwaamaɨ sǝ a sʊwa gɔ, “N lag Yesui!” Mɨ nǝn nʊ nɨ sʊwa lɛ gɔ, “Yesu nǝn Tɛlalɔɨ,” na ke bɔ a daagɔ kwaan Yʊwa Kwaamaɨ woi.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

1 Yohana 1:2

Kʊlɨ nɨ Kwaama a nʊngɨ, nǝn kuwo. Nǝn gɔ nǝn nǝ nyiyo lɛɨ, nǝn sʊwa jen kʊlɨ nɨ mɨ dɨtǝm woi, wʊnɨ dakini jǝbɔ Tɛtɛɨ, ja nʊng gǝn a daa nǝn woi.

1 Yohana 2:23

Mɨ nʊ nɨ wo kana Bwɛ lɛɨ, a nya Tɛ bwɛɨ. Nʊ nɨ a yo Bwɛɨ, a yo Tɛ bwɛ tǝgǝn.

1 Yohana 4:15

Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.

1 Yohana 4:3

Nʊ nɨ gwam a jǝla bɔ nǝn Yesui, mɨ nǝn Yʊwa Kwaamaɨ. Nʊ gɔ nǝngǝn nǝn yʊwa nɨ kɔ Kiristi lɛɨ, wʊnɨ jǝ́ nyʊwa gɔ bɛ lɛɨ, kǝngkɔ nyɔ a kwɛl a bɛ bɛɨ a yooli.

1 Yohana 5:1

Nʊ nɨ gwam a nǝ bɨlǝngkɛl gɔ Yesu nǝn Kiristii, nǝn bʊla Kwaamaɨ. Gwam nʊ nɨ swɨ Tɛ bwɛ lɛɨ, swɨ bwɛ lɛ.

2 Yohana 1:7

Mǝ sʊwa nyɔ jʊ a bwɨɨ, nǝb swagtǝmɔ a jel a yooli nɨ a lada, wʊnɨ ja jǝla bɔ gɔ Yesu Kiristi a jel a bʊtɔɨ. Nǝb gɔ n nǝb swagtǝm jǝbɔ nǝb kiim Kiristii.