1 Yohana 2:24 - Dadiya NT

²⁴ Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.

1 Yohana 2:24 Խաչաձեւ Հղումներ

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

1 Yohana 4:13

N gola nɨ bǝ nyǝm nyɔ bǝ yǝm a kʊm gǝnɨ, gǝ tǝgǝn yǝm a kʊm bǝnɨ, jʊ a bwɨɨ n Yʊwa gǝnɔ a nǝ bǝnɨ.

1 Yohana 4:16

Bǝ nyǝm, bǝ nǝ bɨlǝngkɛl a swɨtǝmɔ Kwaama maa bǝm lɛɨ. Kwaama n nǝ swɨtǝm. Nʊ nɨ nʊng swɨtǝm lɛɨ, yǝm a mʊgɔ Kwaamaɨ, Kwaama tǝgǝn a mʊgɔ gǝn.

Dʊgam Nyangnyang 3:3

Bɛ ń fɛ bʊʊla jǝbɔ jʊ mʊ yo, mʊ nyʊwa tagɨ. Bɛ ń kɨla gǝn, yǝla bǝla bwɨlangkɛl mʊnɔ. Na mʊ gun bɔ a daatǝm dum mʊnɔ gǝmɨ, mǝ bɛ na nǝkuu. Mɨsɔ mʊ nyǝm kwama nɨ mǝ bɛm lɛ a daa mʊ woi.

1 Yohana 2:7

Jǝ́ fatǝm nyan mǝndɨ, n ke bɔ kaa diil fɨ mǝ mʊla jem lɛɨ. N diil galɨ nɨ jǝ́ nǝngǝn nǝn tɨkǝgaɨ. Diil galɨ nɨ nǝn gɔ kɛl nɨ jǝ́ nyʊwaɨ.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

Yohana 15:7

Na jǝ́ yɨ a mʊgɔ mɨɨ, kɛl mǝndɨ yǝm a nǝl jeni, jǝ́ kela kela jʊ nɨ pʌd jǝ́ swɨ lɛɨ, Kwaama maa jem maa.

Dʊgam Nyangnyang 3:11

“Mǝ bɛ lɛ mɨsɔ kʊta lɛ. Bɛ ń ta nǝtǝm bɨlǝngkɛl mʊnɔ gwanggwang, kage kaa nǝl a yem mʊn dwang dul fɔlɔn mʊnɔ.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Filibii 4:15

Jǝ́ nǝbɔ Filibii jǝ́ kwɛl jǝ́ nyǝm nǝn kang jen nǝn kwama mǝ tǝlǝm kiyotǝm fulon kɛl lǝmɨ nɨ a Makidoniyaɨ, nǝn kwama mǝ bǝlam daa gɨɨ, mɨ nǝn kaa mʊrkalɨ nǝb bwangtǝm Kwaamaɨ nɨ a maa mɨ tɨkalɨɨ, na ke bɔ jeni.

3 Yohana 1:3

N maa fulotǝm nǝl nǝn bɨlǝngǝn kaam kɛtǝlamɔ ja bɛ ba ja sʊwa ɨ maajɨ bɨlǝngkɛl mʊnɨ, kanga mʊ bwangtǝn bɨlǝngkɛlɔ lɛɨ.

2 Yohana 1:2

Nǝn swɨ jen nɛ a dul bɨlǝngkɛl nɨ yǝm a mʊgɔ nǝl bǝnɨ, bɨlǝngkɛl nɨ yɨ yɨ dakini jǝbɔ bǝn mɨ dɨtǝm wo.

Ibranii 2:1

A dul kɛl nɨ, bɛ bǝ sʊtǝn bʊʊlalɨ dangǝn a kanjǝl nɨ bǝ nyʊwaɨ, kage bǝ swɨmam nǝn.

Yohana 8:25

Nǝngɔ ja bʌ Yesu gɔ, “Nǝmɔ mʊ wo?” Yesu a jǝla ji gɔ, “Nǝmǝ mǝ nʊ nɨ mǝ sʊwa jen nǝn tɨkǝgaɨ.

Luka 1:2

Ja mʊla kanjǝl nɨ kanga nɨ nǝn nyʊwa a nyiyo nǝb nɨ wo nǝn tɨkǝga ja kuwo kanjǝl nɨ tag a bwɨ gwamɨ, nǝb maajɨ kɛl Kwaamaɨ.

Luka 9:44

“Jǝ́ kaa lɔl jǝ́ nyʊwa kɛl nɨ! Jǝ nǝ nǝ Bʊla Nǝlɨ a kang nǝfitʌmi.”

Yohana 6:56

Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:15

Gwam nʊ nɨ a jǝla gɔ Yesu nǝn Bʊla Kwaamaɨ, Kwaama yǝm a mʊgɔ gǝn, gǝ tǝgǝn yǝm a mʊgɔ Kwaamaɨ.

2 Yohana 1:9

Nʊ nɨ a tɨ bɔ a mɛlalɨ Kiristii, a sʊtǝn kaa jǝl woi, Kwaama mɨ dakini jǝbɔ gɔ. Nʊ nɨ a tɨ a mɛlalɨ nɨɨ, nǝngǝn nǝn Tɛ bwɛɨ jǝbɔ Bwɛ.