1 Tasalonikaɨ 5:21 - Dadiya NT

²¹ Bɛ jǝ́ tɛl kanjǝlɔ gwam. Jǝ́ ta jʊ nɨ a bʊm bʊmɨ a kwam.

1 Tasalonikaɨ 5:21 Խաչաձեւ Հղումներ

Luka 12:57

“N wɛ a bwɨ mɨsɔ jǝ́ mwɛ dul jenɔ lɛ a jʊ nɨ dǝngdǝngɨ?

Yohana 15:4

Bɛ jǝ́ yɨ a mʊgɔ mɨ, mǝ tǝmɨ mǝ yɨ yɨ a mʊgɔ jen. Kanga kang tɨyang fogfogi mɨ dwal lɛ a tʊʊ tʊʊl nǝn kang gǝnɨ, na a yɨ bɔ a mʊgɔ tɨya fogfogi, a na nyɔ jen tʌjen mɨsɔ jǝ́ dwal lɛ jǝ́ tʊʊ tʊʊl, na jǝ́ yɨ bɔ mʊgɔ mɨɨ.

Yohana 8:31

Nǝngɔ Yesu a sʊwa Yahudawa nɨ a nǝ bɨlǝngkɛl a daa gɔ woi gɔ, “Na jǝ́ ja kǝga nǝn tatǝm mɛlalɨ mǝndɨ, jǝ́ bɛtɔ mɛlalɨ mɨ, nǝn bɨlǝngǝn.

Maajɨ Bɛtɔ Twamagɨɨ 11:23

Bɛtǝm gǝnɔ, nǝngɔ a kuwo lǝma Kwaamaɨ a maa jimi, a maa fulotǝm nǝl. Nǝngɔ a kʊʊ jim nǝl gɔ ja tɨ nǝn bɨlǝngkɛl a bwangtǝm Tɛlalɔɨ nǝn nǝl jinɔ gwam.

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Roma 12:9

Bɛ swɨkan jenɔ a yǝlam bɨlǝngǝn. Bɛ jǝ́ kɔ jʊ nɨ na a bwɨlaɨ, bɛ jǝ́ ta jʊ nɨ a bʊm bʊmɨ nǝn kwaan dangǝn.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

1 Korinti 2:11

Nuwo a kʊm nǝbɨɨ a nyǝm bʊʊlalɨ kaa nǝlɨ, na ke bɔ yʊwa nʊgɨɨ? Gǝ na nyɔ tag, mɨ nʊ nɨ wo a nyǝm bʊʊlalɨ Kwaamaɨ, na ke bɔ Yʊwa Kwaamaɨ.

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Afisa 5:10

Jǝ́ mɛla jʊ nɨ fulo Tɛlalɔ gǝm nǝl lɛɨ.

Filibii 1:10

sǝ jǝ́ jǝgǝm kanjǝl nyanɔ, jǝ́ yǝlam nǝb sagsag, nǝb nɨ mɨ nǝn daa tuwoli, ba la nǝn a kum bɛtǝm Kiristii.

Filibii 3:16

Bɛ bǝ ja kǝga nǝn jʊ nɨ Kwaama swɨ lɛ bǝ maaɨ.

Filibii 4:8

A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

1 Tasalonikaɨ 5:15

Jǝ́ fɛ jǝ́ nyǝm ka nǝl ya ywa lɛ shil nǝn shil. Kwangkwang ya jǝ́ sʊtǝn maatǝm jʊ nɨ lɛ a bʊmɨ a kʊm jen jǝbɔ nǝbɔ gwam.

1 Tasalonikaɨ 5:22

Jǝ́ kɔ jʊ nɨ gwam a yǝlam shili.

2 Tasalonikaɨ 2:15

A na nyɔ kambɔ, bɛ jǝ́ tɨ a kwam, jǝ́ ta diiltɨn nɨ nǝn mɛla jemi gwanggwang, a nyiyo jǝbɔ mʊlalɨ.

2 Timoti 1:15

Ń nyǝm nyɔ, pʌd nǝbɔ a tǝm Asiyaɨ ja yǝla mɨ gul, Fijalas jǝbɔ Harmajanas wo a kʊm jin.

2 Timoti 3:6

A kʊm jin kaamɨ wo gǝ waam waam ja dɔ lɔtɨn nǝbɨɨ, sǝ ja swag nɔɔtǝm nɨ mɨ nǝn yʊlanɨ, wʊnɨ bwɨlangkɛlɔ a nɔɔ dul jini, jǝbɔ nǝb dǝlatǝm nu a kanjǝl yoolii.

2 Timoti 4:14

Iskandari nǝ tuutǝm kʊbǝlɔ a maa mɨ jʊ nɨ a bʊm bɨɨ. Tɛlalɔ yǝla ywa gǝn ywa a dul maajɨ nɨ ga maaɨ.

Ibranii 10:23

Bɛ bǝ ta yatǝm nǝl nɨ bǝ sʊwa lɛ bǝngɔ bǝ nǝnɨ gwanggwang, jʊ a bwɨɨ nʊ nɨ a maa swatǝm yaa nɨɨ, n nǝ yiitǝm swatǝm yaa.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

Dʊgam Nyangnyang 2:2

N nyǝm kanjǝlɔ mʊ maaɨ, maajɨ mʊnɔ jǝbɔ kʊtǝm nǝl mʊnɔ. N nyǝm mɨ mʊ kʊ nǝl lɛ nǝn nǝb bwɨlamɔ. Mʊ tɛl tɛl nǝb nɨ do dul jinɔ lɛ gɔ jǝ bɛtɔ twamaɨ, wʊnɨ mɨ nyɨɨ. Mʊ nya jǝ nǝb gabakɛl.

Dʊgam Nyangnyang 2:25

Bɛ jǝ́ ta jʊ jǝ́ nǝngǝnɨ gwanggwang, sǝ ba la nǝn kwama mǝ bɛm lɛɨ.

Dʊgam Nyangnyang 3:11

“Mǝ bɛ lɛ mɨsɔ kʊta lɛ. Bɛ ń ta nǝtǝm bɨlǝngkɛl mʊnɔ gwanggwang, kage kaa nǝl a yem mʊn dwang dul fɔlɔn mʊnɔ.

Dʊgam Nyangnyang 3:3

Bɛ ń fɛ bʊʊla jǝbɔ jʊ mʊ yo, mʊ nyʊwa tagɨ. Bɛ ń kɨla gǝn, yǝla bǝla bwɨlangkɛl mʊnɔ. Na mʊ gun bɔ a daatǝm dum mʊnɔ gǝmɨ, mǝ bɛ na nǝkuu. Mɨsɔ mʊ nyǝm kwama nɨ mǝ bɛm lɛ a daa mʊ woi.