Romanos 4:17 - Porciones del Nuevo Testamento

¹⁷ Maʉ̃ẽnabemata zhi bꞌʉmata mawũã bꞌʉa: Mʉã bʉra bꞌidꞌapʉa zhãrã bio zezeta. Mawũãneba Daizeze kĩrãbitara zhãrã bio zezeta bꞌʉa, izhidꞌebemata Abrahamba ĩjãnarã Daizezebara beudꞌapeadꞌara piradrʉbibaria, kꞌãrẽ ne ẽbadꞌata obaria.

Romanos 4:17 Խաչաձեւ Հղումներ

Mateo 3:9

Mazhi sobitabaiba Daizezebara pua kꞌawua o ẽãta krĩchabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Juan 5:21

Mʉ Zezebara beukuadꞌara piradrʉbipe zokꞌai bꞌʉbari kĩrãkꞌa, mʉ zhi Warrabidꞌa mawũã okrĩñabʉrʉrãta zokꞌai bꞌʉbaria.

Juan 5:25

Mʉã wãrĩnu marãã jaraya: Ewarita zeya, maʉ̃ ewarira ya arabasia, mawũẽ aduaita bꞌebara ũrĩnaña mʉ Daizeze Warra nemita, mʉ bedꞌeata ũrĩbʉdara Daizeze ũme bꞌai jõ ẽã bꞌeaya.

Juan 6:63

Jawurebiabʉrʉ dia bꞌʉa Daizeze ũme bꞌai jõ ẽãta, zharabara dia ẽã. Bedꞌeata mʉã marãã jara bꞌʉra Jawurebiadꞌebemata Daizeze ũme bꞌai jõ ẽãnebema.

Hechos 15:18

Mʉta Nokꞌoba maʉ̃ta jarabʉrʉa, mʉãrã maʉ̃ jõma kꞌawuabibʉrʉa ewari dããrã wedꞌauba. (Amós 9:11-12)

Romanos 3:29

¿Daizezera bari judíorãneka? ¿Izhabꞌa Daizezera judíorã ẽãta bꞌedꞌe ẽka? Wãrãnebai izhabꞌa judíorã ẽãta bꞌedꞌea.

Romanos 4:18

Daizezeba warra barabiya abʉrʉra Abrahambara ĩjãsia zhi kĩmanebara warra baraidꞌe bꞌʉ ẽãta, aramaʉ̃ne bꞌesia zhãrã bio zezeta, maʉ̃ẽnabemata mawũãsia: Kꞌãwũã chĩdau bio kĩrãkꞌa nʉmaña bʉ warrarãnebemata.

Romanos 4:2

Izha kꞌãrẽ obꞌʉba Daizezeba Abraham bedꞌea ne ẽã bꞌʉsibʉrʉ, bꞌakꞌausia kꞌãrẽneba sobia bꞌaira, mawũãmina Daizeze kĩrãbita ẽã.

Romanos 8:11

Jawurebiata Jesús beudꞌata piradrʉbidꞌadꞌeta marãne edꞌa bꞌʉbʉrʉ, Jesucristo beudꞌata piradrʉbidꞌabara marã kꞌakua beuita bꞌʉra izhabꞌa piradrʉbiya izhi Jawurebiata bꞌʉdꞌeba marãne edꞌa.

Romanos 9:11

Wadꞌi todꞌa ẽwedꞌa, wadꞌi bia ẽãta miã biata odꞌa ẽwedꞌa Daizezeba jʉrʉdꞌadꞌeba nʉmaĩrã, aramaʉ̃ne kꞌãrẽ odꞌadꞌeba nʉma ẽbaira awuarabʉrʉ izha jʉrʉdꞌadꞌeba nʉmaĩrã,

Romanos 9:26

Maʉ̃ẽnabemata dewara mawũã bꞌʉa: Mʉãrã marã mʉrẽrã ẽã adꞌata, Daizeze zokꞌai bꞌʉ warrarã aya. (Oseas 1:10)