Romanos 4:1 - Porciones del Nuevo Testamento

¹ ¿Kꞌãrẽta jaradꞌaipe dazhirã zeze Abrahamnebema?

Romanos 4:1 Խաչաձեւ Հղումներ

Mateo 3:9

Mazhi sobitabaiba Daizezebara pua kꞌawua o ẽãta krĩchabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Lucas 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua. Mazhi sobitabaiba Daizezebara pua kꞌawua o ẽãta jarabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Juan 8:33

Mawũãĩ panaʉ̃ mawũãsidꞌa: Daira Abrahamneba uruta bꞌea, mawũẽ daira nezokꞌata duanu ẽã. ¿Sãwũã maʉ̃ta bʉara ẽdrʉdꞌaya abʉrʉ?

Juan 8:53

¿Mobera bʉra zhi zromakꞌa dai zeze Abraham kꞌãñabara? Izhira beusia, Daizezeba bedꞌeata jarabibarirãsidꞌa beukuasia. ¿Mawũẽ bʉra kꞌaipe mawũã bedꞌea nʉmaĩrã?

Juan 8:56

Marã zeze Abraham sobiasia mʉ zebʉrʉ ewarita ũdui baera, aramaʉ̃ne ũdusia, mawũẽ sobiasia.

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.

Romanos 1:3

Maʉ̃ bedꞌea biabara jara bꞌʉa zhi Warrata dazhirã Nokꞌo Jesucristota, izhira rey Davidꞌeba uruta bꞌasia dazhi kꞌãwũnerã.

Romanos 3:5

Dazha bia ẽãta obꞌʉba Daizezera biata ũdubi bꞌʉbʉrʉ, ¿kꞌãrẽta jaradꞌaipe? ¿Daizezera bia ẽka bia ẽãta obʉrʉ kꞌarea zuburia obʉrʉdꞌera? Mʉrã bedꞌea kꞌobꞌʉa zhãrã mawũã bedꞌea bꞌedꞌe.

Romanos 4:16

Maʉ̃neba Daizezeba diaita jaradꞌara izhidꞌebemata ĩjã bꞌedꞌeba diaya, aramaʉ̃nerã izhi biaba diaya. Maʉ̃ta Abraham warrarãnebema jõmaʉ̃ĩta nʉmʉã. Bari Moisé ũrãgꞌadꞌe bꞌeitabema ẽã, awuarabʉrʉ Abrahamne kĩrãkꞌa ĩjãbʉdaitabema, aramaʉ̃ne izhira dazhirã jõmaʉ̃ zezea.

Romanos 6:1

¿Mawũẽ kꞌasia adꞌaipe? ¿Kꞌazhiruadꞌe bꞌeaika Daizezeba izhi biaba kꞌãbãẽã sozuburiamarẽã?

Romanos 7:7

¿Mawũẽ kꞌasia adꞌaipe? ¿Moisé ũrãgꞌara kꞌazhiruakꞌa? ¡Mawũã ẽã! Baribʉrʉ mʉãrã kꞌazhiruara sãwũãta kꞌawua ẽãta kꞌawuasia Moisé ũrãgꞌadꞌeba. Miã mʉãrã kꞌawua ẽbakꞌausia ne zhãrãne krĩña bꞌe ẽãrã, maʉ̃ne Moisé ũrãgꞌabara mawũã bꞌʉa: Ne zhãrãne krĩñarãrũã.

Romanos 8:31

¿Mawũẽ maʉ̃ẽnabema kꞌasia adꞌaipe? Daizezeta dazhiaare bꞌʉra, ¿dazhira kꞌaiba sãwũãĩpe?