Romanos 3:25 - Porciones del Nuevo Testamento

²⁵ Daizezeba dazhi bedꞌea ne ẽã bꞌʉira Jesucristota bꞌʉdꞌata dazhibari wa erezoadꞌata ĩjãbʉrʉdꞌeba nʉmʉã, aramaʉ̃ne izhara sãwũã bedꞌea ne ẽã bꞌʉita kꞌawuabi bꞌʉba zrogꞌa bedꞌea ne ẽã okua bꞌʉa kꞌazhiruata odꞌapeadꞌara nawedꞌa.

Romanos 3:25 Խաչաձեւ Հղումներ

Juan 6:47

Mʉã wãrĩnu marãã jaraya: Mʉnebemata ĩjã bꞌʉbara erubꞌʉa Daizeze ũme bꞌai jõ ẽãta.

Hechos 14:16

Zhikꞌarewedꞌara izhara zhãrã jõma idaribi bꞌasia ãzha krĩñane bꞌeamarẽã.

Hechos 15:18

Mʉta Nokꞌoba maʉ̃ta jarabʉrʉa, mʉãrã maʉ̃ jõma kꞌawuabibʉrʉa ewari dããrã wedꞌauba. (Amós 9:11-12)

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Hechos 2:23

Maʉ̃ Jesús izha nawedꞌa krĩchadꞌadꞌe chãbꞌarisia Daizezebara, mawũẽ marãbara jidadꞌape bia ẽãta bꞌea beabisidꞌa cruzdꞌe kꞌachi.

Hechos 3:18

Mawũãmina aramaʉ̃ne Daizezeba aribꞌaesia izha nawedꞌa jaradꞌata, izha bedꞌeata jarabibarirã idꞌeba jarasia zhãrã Ẽdrʉbita izhidꞌera beuita.

Hechos 4:28

Aramaʉ̃ne ãzhara osidꞌa bʉa zhi zromaba krĩchadꞌadꞌe sãwũã berabꞌariita.

Romanos 2:4

¿O bʉma seri ẽka izha kꞌãbãẽã sozuburia nʉmʉba zrogꞌa bꞌʉra, bʉara kꞌawua ẽã nʉmʉ ẽka izhara sozuburia bꞌʉta kꞌazhiruara ãmape izhita pẽwãmarẽã?

Romanos 3:26

Mawũẽ idꞌi ewadera izha sãwũã bedꞌea ne ẽã bꞌʉita kꞌawuabi nʉmʉrã izhira biata bꞌʉba bedꞌea ne ẽã obꞌʉa zhi ĩjãbʉrʉra Jesúsdꞌebemata.

Romanos 5:1

Ĩjã bꞌedꞌeba bedꞌea ne ẽã duanukꞌãrĩba dazhirã Daizeze bawara bedꞌea ne ẽã bꞌea dazhirã Nokꞌo Jesucristodꞌeba.

Romanos 5:11

Bari maʉ̃ba ẽã, awuarabʉrʉ Daizeze bawara sobia bꞌea dazhirã Nokꞌo Jesucristodꞌeba. Izhikꞌareuba idꞌira Daizeze bawara zhibiata bꞌea.

Romanos 5:18

Abꞌaʉba kꞌazhiruata odꞌadꞌeba Daizezebara zhãrã jõma aduabigaidꞌe nʉmʉsia, aramaʉ̃ kĩrãkꞌa abꞌaʉba biata odꞌadꞌeba bedꞌea ne ẽã oira zhãrã jõmaʉ̃ĩtabemata izhi ũme bꞌai jõ ẽã bꞌabiya.

Romanos 5:9

Mawũẽ Cristo wadꞌeba bedꞌea ne ẽã duanukꞌãrĩba ẽdrʉdꞌaya Daizezeba zhãrãta kĩrũ pua kꞌawua oidꞌebara.