Romanos 10:14 - Porciones del Nuevo Testamento

¹⁴ ¿Mawũãmina kꞌarebara sãwũã widꞌidꞌaipe izhidꞌebemata ĩjãna ẽãrã? ¿Sãwũã ĩjãnaĩpe izhidꞌebemata ũrĩnakꞌara? ¿Sãwũã ũrĩnaĩpe kꞌaiba jaraita ne ẽbʉrʉ?

Romanos 10:14 Խաչաձեւ Հղումներ

Mateo 20:7

Mawũãĩ mawũãsidꞌa: Daira kꞌãwũã bꞌea miõba jʉrʉdꞌa ẽãba. Mawũãnaĩ izhara mawũãsia: Marãsidꞌa trajadꞌe wãũdua mʉ uvadꞌe, mʉãrã pagꞌakuaya sãwũã pagꞌai bꞌʉdꞌe.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 9:36

Mawũãĩ izhara panaʉ̃ mawũãsia: ¿Nokꞌó, maʉ̃ kꞌaipe mʉã ĩjãĩta izhidꞌebemata?

Hechos 19:2

mawũãsia: ¿Marãbara Jawurebiara jidasidꞌakꞌa Jesúsdꞌebema ĩjãsidꞌadꞌera? Mawũãĩ mawũãsidꞌa: Daibara ũrĩnakꞌa Jawurebiata bꞌʉra.

Hechos 8:31

Mawũãĩ izhara mawũãsia: ¿Mʉã sãwũã ũrĩĩpe iabꞌaʉba sãwũãta mʉãã jara ẽbʉrʉ? Mawũãpe Felipea jarasia ʉ̃tʉ zepe jewedꞌamarẽã izhi ũme.

Romanos 1:5

Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.