Marcos 14:36 - Porciones del Nuevo Testamento

³⁶ Izhara mawũãsia: Zeze, bʉitara ne jõma borekea, mawũẽ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.

Marcos 14:36 Խաչաձեւ Հղումներ

Mateo 26:39

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Mateo 26:42

Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.

Mateo 6:9

Marã zhiwidꞌibʉdadꞌera mawũãũdua: Bʉra Daizezeta ʉ̃tre bꞌʉa, bʉra wawiadꞌaidꞌe bꞌʉa.

Marcos 10:27

Maʉ̃ne Jesúsbara ãzhi akʉ mawũãsia: Ẽdrʉira zhãrãĩtara boreke ẽã, mawũãmina Daizezebara ẽdrʉbi bꞌeya, ne jõma boreke baera Daizezeitara.

Marcos 10:39

Mawũãĩ ãzhara mawũãsidꞌa: Daibara bꞌedꞌaya. Mawũãnaĩ Jesúsbara mawũãsia: Marã wãrĩnu mʉ zuburiai kĩrãkꞌara zuburiadꞌaya.

Marcos 14:37

Mobe zebʉrʉdꞌe kꞌãĩ nʉmeta ũdui Pedroa mawũãsia: ¿Simón, bʉra kꞌãĩ nʉmʉka? ¿Bʉra ʉ̃rʉ̃ma kꞌobꞌa bꞌe ẽka hora abꞌabidꞌa?

Juan 12:27

Mʉrã sopua kꞌobꞌʉa. ¿Mʉãrã kꞌasia aipe? ¿Zeze mʉrã kꞌarebarua, mʉrã zuburiabirãrũã aika? Mawũãmina mʉrã zesia maʉ̃ kꞌarea.

Juan 18:11

Jesúsbara Pedroa mawũãsia: Bʉzhi kuchora edꞌa pẽũdua. Mʉ Zezeba mʉrã zuburiabiya nʉmʉba, ¿mʉrã zuburiaidꞌe bꞌʉ ẽka?

Juan 4:34

Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.

Juan 5:30

Mʉãrã mʉzhikusaubara kꞌãrẽ o ẽã. Awuarabʉrʉ sãwũãta mʉ Zezeba mʉãã jarabʉrʉta ũrĩpe mʉãrã zhãrã kꞌawua obaria, aramaʉ̃ne obaria sãwũã oi bꞌʉdꞌe, mawũẽ mʉãrã onʉmʉ ẽã mʉã krĩñata, awuarabʉrʉ onʉmʉã mʉ Zeze mʉ zokꞌadꞌaba krĩñata.