Isaías 54:17 - Las Escrituras en Ashéninka Ucayali del Sur

¹⁷ Tekiraata otzimeeta omanamento materoni athonkante, Santziko powaeri kantakowaetemini. Noshineteeniri naaka ikaatzi antawaetanari: roetsinampaante.” Riitaki Tajorentsi ñaawaetzirori iroka.

Isaías 54:17 Խաչաձեւ Հղումներ

Job 1:11

Ajatyaa, pakotashiteri eeroka nimaeka, paapithateri okaatzi tzimimo-takiriri, aritaki ikijima-waetanakimi eeroka.”

Job 2:5

Ajatyaa pantziteri itonki-paeni eejatzi iwatha. Aritaki ikijima-waetanakimi eeroka.”

Isaías 40:2

Pinintathateri piñaanateri nampiwitawori Jerusalén-ki. Pikamanteeri, pikanteri: ‘Ari okaatapaaki romperaetzimi, ipinakowenteetakiro pikinakaashitani, Imaperotakimi rowajankitzimi pikaariperotakira.’ ”

Isaías 54:15

Arika ikoshekaetemi, tee naaka kantakahaeyaawoni, Roori kantacha, aritaki poetsinampaakiri eeroka ikaatzi maemanetemini.

Isaías 54:16

“Pikeme, naakataki owetsikakiri kotsiroempeki antawaeteerori paamari rowetsikayitzi omanamentotsi. Naakataki owetsikakiri eejatzi thonkantaniri.

Mateo 16:18

Noeteemi Kijori, tema poshiyakawo eeroka kijo-pathari kepatsi, aritaki nowetsikaero nopanko. Ikaate kemijantaa-tsini paata, riitaki oshiyayi-teeyaawoni pankotsi. Eero rotsinampahae-tziri ipeyakaa-shitee-tyaari sharinkaweniki.

Roma-jatzi 10:4

Tema ithotyaakiro Jeepatzii-totaa-rewo okanta-kota Ikantakaan-teetani, riitaki tampatzika-shireta-kahaeriri ikaatzi awentaa-shireta-naariri.

Roma-jatzi 3:22

Riitaki Tajorentsi tampatzika-shireteeni, aririka awentaa-shireta-neeyaari Jesús Jeepatzii-totaa-rewo, akemijanta-neeri rirori. Tee anashiyita, eejatzi oshiyari itsipa-paeni.

Roma-jatzi 8:1

Tema atsipa-shiretaari Jeepatzii-totaa-rewo Jesús, eero rowajankitaa-yitee.

1 Corinto-jatsi 1:30

Riitaki Tajorentsi tsipa-shireta-kahae-miriri Jeepatzii-totaa-rewo Jesús, rotyaanteeri rirori riyotakaa-yiteemi, rowameetha-shire-yiteemi, roete-shire-yiteemi. Riitaki pinakowenteemiri pijeekan-waetantaari kameetha.

2 Corinto-jatsi 5:21

Teera rantani-tziro Jeepatzii-totaa-rewo kaari-perori. Roo kanteencha ikemaatsita-kaawaetakari Tajorentsi okimiwitakawo rantaki-tyeeromi kaari-perori. Arira ikinakaa-kirori Jeepatzii-totaa-rewo, itampatzika-shire-yitan-teeri, ikimita-kaayiteera jempe ikanta rirori.

Filipos-jatzi 3:9

Riitakira tsipa-shiretaanari nimaeka. Tee nopankinawenta-naawo nomonkaa-yiteero Ikantakaan-teetani, tema tee atampatzika-shire-tzi. Rooma nawentaa-naarira nimaeka Jeepatzii-totaa-rewo, riita-kira Tajorentsi tampatzika-shiretaanari.

2 Pedro 1:1

Naaka Simón Pedro jankinatzi-mirori iroka. Naaka romperatani Jesús Jeepatzii-totaa-rewo, Rotyaantaa-rewote naaka. Eeroka-paeni nojankinatzini pikaatzi pikemijantanee, pikimita-yiteena naaka-paeni, rootaki kantakaan-takirori itampatzika-shirenka Tajorentsi, ari ikimitari eejatzi Jesús Jeepatzii-totaa-rewo owawijaako-shireteeri.

Roñaahan-teetziri 12:10

Nokematzii cheraneentsiri inkiteki, ikantzi: Retateeta-nakawo ipinkathari-wentantzi Tajorentsi, retateeta-nakawo roñaahan-tziro ishintsinka, rowawijaa-kotantee. Retateeta-nakawo eejatzi Jeepatzii-totaa-rewo rotyaan-takiri. Tema rotziryaakiri thaweta-kota-piinta-kiriri aetziri “noyemijantzin-karite-paeni.” Kitejeriki eejatzi tsireniriki ithaweta-kota-piintziri Atajorentsite.