1 Corinto-Jatziiti 12:14 - Ajyíninka Apurucayali

¹⁴ Pinkinkishiritakotiro tsika okanta awatha. Apaani akanta awathaki, iro kantacha tzimatsi ojyiki inashiyita oiyitarika amayitiri.

1 Corinto-Jatziiti 12:14 Խաչաձեւ Հղումներ

Efeso-jatziiti 4:25

Tii okamiithatzi pamatawiyitanairi pijyininkapaini, iro kamiithatatsi piñaaniyitaiyaawo tyaaryooyitatsiri. Tima okimitanaatyaawo awithaawakaatyiiyaami.

1 Corinto-Jatziiti 12:19

Arimi ojyawakaiyaami maawoni tsika okantayita awatha, iirotya awathatawomi.

1 Corinto-Jatziiti 12:12

Ari okanta awithaawakaantaari, jojyakaantai aakami iwatha Cristo. Tsika akantayitanaa awathaki, iro matakaayitairori oiyitarika. Ari akimitsitaari aakaiti, inashiyita amayitairo oiyitarika.

1 Corinto-Jatziiti 12:15

¿Kantatsima oñaawaiti aitzi, oñaanatiro ako, onkantiro: “Tii niroopirotzi naaka, tii nokimitzimi iiroka pimatziro poirikayitziro oiyitarika?” ¿Tiima iroopirotzi aitzi?

1 Corinto-Jatziiti 12:20

Ari okantari, apaani inawita awatha, iro kantacha tzimatsi ojyiki inashiyita oiyitarika amatayitantyaawori.