San Lucas 20:16 - Manityanati Tupax

¹⁶ Ta Sɨrotitɨ atabaiti ɨmo axɨmanuma mañoñɨnka, auki kaɨma ityoximiatati niyoxti ɨmo makiataka.” Naukiche onkoimia axɨna sane, namatɨ: –¡Axtɨrabopɨ axɨrabotɨ!

Manitanati Tuparrü

¹⁶ Sürotitü te taha esama nauqui ataborimia uiti, y nauqui aitorrimiati manu ñanaunrrü ümo maquiataca. Nauquiche oncoimia arrüna sane manuma macrirrtianuca namatü: —Tapü pasabo arrüna sane.

San Lucas 20:16 Խաչաձեւ Հղումներ

San Mateo 21:34

Naukiche topiñatai axɨmanio naneneka, bakɨpuruti ɨmo axɨmanuma nikumanakataxti ankirioma axɨna toxiobo ɨmoti naki esache axɨmanu kɨx pɨnanakimia axɨmanuma ɨmoche atoxi axɨmanu ñanaunx.

San Mateo 21:41

Aiñumuma nuraxti: –Champɨ nipukɨruxti tyakuma koiñoma uiti axɨmanuma chuxiampɨ nisɨborikixhimia, auki toxio uiti axɨmanu ñanaunx ɨmo makiataka axɨbama ityoximiatama kɨmuintya axɨna iyebo uimia auki axɨmanu ñanaunx ɨmoti naki iyoche.

San Mateo 22:7

Auki axti yɨriabux taruku nityɨborixhti, bakɨpuruti ɨmo axɨmanuma masortaboka aboma mekuti nauki aɨromatɨ aityabairoma axɨmanuma mayatabayoka nauki aiñonokomaintyo nipoxɨma.

San Marcos 12:9

“¿Kausane yachɨkoiti au napakionko maniki esache axɨmanu ñanaunx? Suraboira ausukarɨ. Sɨrotitɨ au niyoxti atabaiti ɨmo axɨmanuma mañoñɨnka, auki kaɨma ityoximiatati niyoxti ɨmo makiataka.

San Lucas 19:27

Tapɨ ɨmo axɨbama tɨborikomantai suatañɨ axɨbama chixhanxɨpɨma nauki yɨriabuxɨñɨ ɨmoma, apikiasama tauna apityabaisoma sukarɨñɨ.’ ”

San Lucas 20:15

Sane naukiche aikiaɨburumati aukimanu ñanaunx aityabairomati. “¿Kausane yachɨkoiti au napakionko maniki esache axɨmanu ñanaunx?

Hechos 13:46

Auki axti Bernabé ichepeti Pablo champɨ nixhukuxɨma anityama, aiñumuma nuraxɨma: –Tyone axɨna supachɨkoi nauki kusɨrɨbo suburaboi ausukarɨ axɨna nuraxti Tupax, aume axɨbama judíos. Axaño chauxiankapɨ apasuriu axɨna ausɨborikibo champɨ nityakɨrux, kaɨma somekatɨ esa axɨbama chɨtɨpɨ judíos.

Romanos 11:1

Sane naukiche xhankiriora kaɨma: ¿Ensapɨ sɨroma pese uiti Tupax axɨbama auki Israel? ¡Chɨsanempɨ! Axɨñɨntyo isekatɨ auki Israel. Nityakɨbaɨtuxti Abraham nityakɨbaɨtuxtityo Benjamín.

Romanos 11:11

Kaɨma xhankiriora: ¿Ensapɨ axɨbama auki Israel, naukiche tapenekoma, chanantopɨ atɨraimia tato? ¡Chɨsanempɨ! Axtɨ sane, oboi axɨmanio nipɨnatema axɨbama judíos, axɨbama chɨtɨpɨ judíos ane maximiakatax ɨmoma, nauki axɨbama auki Israel ɨnantɨ ɨmoma.

Romanos 3:31

Kausane kaɨma, ¿ui numakokonaunku champɨki nɨmoche axɨmanu bakɨpukux uiti Moisés? ¡Chɨsanempɨ! Uixh usurapoi axɨmanu bakɨpukux uiti Moisés taruku nɨmoche.

Romanos 3:4

¡Chɨsanempɨ! Axti Tupax taikiana aisamunenti isiuki axɨna ñemanauntu, champɨ nɨmoche axtɨ mañoñɨnka taruku ñapantuxɨma, takana nantɨ axɨmanu Nikorox: “Sɨsiokɨ ñana takanati naki uxia nisɨborikixhti oboi axɨmanio nanityaka, sane champɨ kausane aemo axtɨ astaimia axɨna aisamute.”

Romanos 3:6

¡Chɨsanempɨ! Tyopiki axtɨ axti Tupax, chɨbesɨropɨ ñapanaunkuxti, ¿kausane asaraiti axɨna uxia chepe axɨna chuxiampɨ iku axɨna kɨx?

Romanos 6:15

¿Kausane niyɨkɨx? ¿Uisamukio axɨba chomixhampɨ tyopiki chuisamutempɨ bakɨpukux uiti Moisés, ta uisamute noñemaxti Tupax? ¡Chɨsanempɨ!

Romanos 6:2

¡Chɨsanempɨ! Axoñɨ chauki tokonka ɨmo nomɨnantɨ. ¿Kausane sɨsio oñɨ uisamune nomɨnantɨ?

Romanos 7:13

Kausane kaɨma, ¿axɨna uxia ikianañɨ ɨmo nisonko? ¡Chɨsanempɨ! Axɨna nomɨnantɨ nauki aityusianka ta ñemanauntu chuxiampɨ, isonka uixh tyopiki ikuñekata axɨna uxia. Ui axɨmanu bakɨpukux manunekana axɨna tarukapae chuxiampɨ axɨmanu nomɨnantɨ.

Romanos 7:7

¿Usukana oñɨ kaɨma axɨna bakɨpukux uiti Moisés tyone axɨna nomɨnantɨ? ¡Chɨsanempɨ! Axɨñɨ chisuputakaipɨ axɨmanu nomɨnantɨ ta ui axɨna bakɨpukux uiti Moisés. Champɨityo axtɨ tusiu iñemo axtɨ xhubatio nenaxixhti kiatax, axtɨ chɨnampɨtɨ axɨmanu bakɨpukux uiti Moisés: “Tapɨ ubatio nenaxixhti kiatax.”

Romanos 9:14

¿Ui axɨna sane usukana oñɨ chibesɨropɨ ñapanaunkuxti Tupax? ¡Chisanempɨ!

1 Corintios 6:15

¿Unka tɨtusiu aume axɨna naukɨtɨpɨ ta tyoneintyo nikɨtɨpɨxti Cristo? ¿Ensapɨ ikiaɨbuta axɨmanu nikɨtɨpɨxti Cristo nauki iña chepe nikɨtɨpɨ taman paɨx axɨna chuxiampɨ nisɨborikixh? ¡Chɨsanempɨ!

Gálatas 2:17

Sane kaɨma, axtɨ bapachetio nauki uxia nosɨboriki tyopikiti Cristo, axoñɨntyo ane nomɨnantɨ osoi, ¿ensapɨ nantɨ axɨna sane ta uiti Cristo sɨro nomɨnantɨ okɨtɨpɨ? ¡Chɨsanempɨ!

Gálatas 3:21

¿Ensapɨ axɨna nantɨ axɨmanu bakɨpukux ta chomixhampɨ axɨmanio ɨriotɨ tɨkañe uiti Tupax? ¡Chɨsanempɨ! Tyopiki axtɨ axɨmanu bakɨpukux uixh ane sɨborikixh, tyopikipɨ numakokonaunku ɨmoti Tupax uxia uiti oemo.

Gálatas 6:14

Tapɨ axɨñɨ champɨ tyopikiche ipukɨnu ta ipukɨnunka ui nikurusɨxti Yɨriabux Jesucristo. Tyopiki ui nikurusɨxti Cristo, nanaiña axɨna kɨx koiño iñemo tapɨ axɨñɨ isonkaityo ɨmo kɨx.