San Lucas 16:24 - Manityanati Tupax

²⁴ Auki tosibikoti: ‘¡Iyaɨ Abraham, apukɨru chakuñɨ! Aikɨpusuti Lázaro aipiankati kutaku ne'esti ui tux nauki ayeti aiñuxuxiankati pariu nisaru, ityopiki tarukapae nichakisɨrɨkɨ oto axɨna pes.’

Manitanati Tuparrü

²⁴ Auqui tosibicoti maniqui rricurrü, nanti sane: “Iyaü Abraham, apucüru ichacuñü. Aicüpurrti Lázaro tauna, nauqui ayeti aübu tuma iñemo, nauqui rrimianaiña pario ümo niñutu, itopiqui tarucapae nichaquisürücü eana pese auna”.

San Lucas 16:24 Խաչաձեւ Հղումներ

San Mateo 25:41

“Auki axti yɨriabux nanti ɨmo axɨmanuma aboma au nepaux: ‘Apakicho aukina yesakiñɨ, axɨbama toxio año ɨmo naukonko. Amekosi oto axɨmanu pes chotochebopɨ ananka koñokono ɨmoti chobores ichepe axɨbama nesaxti ángeles.

San Mateo 3:9

tapɨ amukanaño aumeampatoe: ‘Axɨsomɨ nityakɨbaɨtuxti Abraham.’ Tyopiki sukanañɨ aume axtɨ xhanxti Tupax axɨba kanka bosɨboriko uiti ityakɨbaɨtubuti Abraham.

San Mateo 5:22

Tapɨ axɨñɨ sukanañɨ aume, axtɨ anati naki tɨborikoti ɨmoti yarukityoti, toxioti ɨmo nɨriakax. Axti naki uratokioti ɨmoti yarukityoti toxioti meku mayɨriabuka. Axtityo naki chomixhampɨ nuraxti ɨmoti yarukityoti, ityopiki sɨrotitɨ au infierno.

San Lucas 16:30

Axti maniki taruku nenaxixhti aiñumuti: ‘Iyaɨ Abraham, chiñataipɨ. Axtɨ tamanti naki tɨkoiñoti sɨborikoti tato ityusiankanatiyɨ, champɨ nɨmoche uimia ikokotama.’

San Lucas 19:9

Nanti Jesús ɨmoti: –Axɨna nanenes taesɨburuma eanaki nomɨnantɨ axɨbama po'oso, tyopiki axti naki ñoñɨnx tyonenti nityakɨbaɨtuxti Abraham.

San Lucas 3:8

Apisamuse nuxia nauki atusi ta abekatɨ tato esati Yɨriabux, tapɨ amukanaño aumeampatoe: ‘¡Axɨsomɨ nityakɨbaɨtuxti Abraham!’ Tyopiki sukanañɨ aume axtɨ xhanxti Tupax omixhante uiti axɨba kanka ityakɨbaɨtubuti Abraham.

San Juan 4:10

Aiñumuti Jesús nurax: –Axtɨ asuputakaipɨ axɨna ñakumanataxti Tupax, ñakutityo naki mankioti tux apɨnanakikɨ, axɨpɨkɨ ankikia pɨnanakiti, toxiopɨ kaɨma aemo uiti axɨna tux sɨboriko.

San Juan 4:14

Tapɨti naki chaboti axɨna tux toxiobo sobi, chanantopɨ atosɨti tato. Axɨna tux toxiobo sobi ɨmoti isamunɨ kɨtɨpɨti nantaityux uixh champɨ nityakɨru nisɨborikixhti.

San Juan 7:37

Au nityakɨrux axɨmanu nanenes nipukɨnunkuxɨma tyone axɨna yarusɨrɨx ɨmoma. Au axɨmanu nanenes atɨraiti Jesús sukarɨ namanaiña, anityati kɨpurabo nuxia nuraxti: –Axti naki tosɨoti, tari yebatitɨ yesañɨ.

Romanos 4:12

Axti Abraham tyonentityo yaɨtoxɨma axɨbama tɨcircuncidaboma, sɨsioma aɨbu ñakokonaunkuxɨma axɨbama uyaɨtaiki tɨkañe, axɨna ñakokonaunkuxti aukiapae naukiche tɨkañe chɨcircuncidabotikipɨ.

2 Tesalonicenses 1:8

Kuatati ñana anityomokoti ɨmoma axɨbama chixhanxɨpɨma asuputaramati Tupax champɨityo axtɨ ikokotama axɨba omixhia manityakax uiti Yɨriabux Jesús.

Santiago 2:13

Tyopiki axti Tupax chɨpukɨrusutipɨ ñana tyakuma axɨbama chipukɨrusupɨma tyaku makiataka. Tapɨ axɨbama pukɨrusuma tyakuma makiataka, axtityo Tupax pukɨrusuti tyakuma ñana.

Santiago 3:6

Axɨna utux pes nakax. Tyone yeboka aisamune yarusɨrɨx nomɨnantɨ. Auki nakax mameso nanaiña nosɨboriki, sane uɨkatityo uixh eana pes au infierno.

Apocalipsis 19:20

Axɨmanu numukianx amanapo, chepeti maniki manityanati chɨtɨpɨ ui noñemaxti Tupax maniki masamunuti axɨba champɨ tubastai sukarɨti. Axti maniki chɨtɨpɨ profeta matachemakanati ɨmoma axɨbama chebo uimia aɨro kɨtɨpɨma nikoro nɨri axɨmanu numukianx manaunumaintyo ɨmo nausɨpɨx. Auki axɨmanu numukianx chepeti maniki manityanati chɨtɨpɨ ui noñemaxti Tupax penekoma auki nisɨborikixhimia au axɨmanu narubaityu pes kauta omo axɨmanu azufre.

Apocalipsis 20:15

akamanuintyo penekoma namanaiña axɨbama champɨ nɨrixhimia iku axɨmanu kichonimiakax ɨmo sɨborikixh.

Apocalipsis 22:1

Auki axti maniki ángel ityusiankatati sukarɨñɨ taman nusɨrux kauta ane tux axɨna uiche ane sɨborikixh champɨ nityakɨrux. Axɨmanu nusɨrux osɨro esaki axɨmanu nityɨmoxti Tupax nityɨmointyo Nobixhax. Kicheseña nuxia.