San Juan 5:23 - Manityanati Tupax

²³ nauki namanaiña aiñanaunumati Aɨtoxti takana ñanaunkuxɨma ɨmoti Yaɨtoti. Axti naki chiñanaunutipɨ Aɨtoxti, chiñanaunutipityo Yaɨtoti, naki uiche aikɨpuruti.

Manitanati Tuparrü

²³ Sane nauquiche iñanaunumañü macrirrtianuca isiatai tacana ñanauncurrüma ümoti Iyaü. Arrübama chiñanaunumapüñü, chiñanaunumatipito Iyaü, naqui uiche aicüpuruñü.

San Juan 5:23 Խաչաձեւ Հղումներ

San Mateo 10:37

“Axti naki taruku nikuaxti ɨmoti yaɨtoti ichepe nipiakɨtoti xhopɨnanakiñɨ, chɨkoñopɨtɨ ɨmoti ayetitɨ isiuñɨ.

San Mateo 11:27

“Toxio iñemo uiti Iyaɨ nanaiña. Champɨti naki isuputarati nuxia naki Aɨtoxti, axtiatai Yaɨtoti. Champɨtityo isuputarati nuxia Yaɨtoti, axtiatai Aɨtoxti axɨbamaintyo axti naki Aɨtoxti xhanxti nauki asuputaramati.

San Mateo 12:21

Namanaiña mañoñɨnka ikuki axɨna kɨx ñana onkomatɨ ɨmoti.”

San Mateo 15:8

‘Axɨbama mañoñɨnka iñanaunumañɨ ui naruxɨmantai, tapɨ nausasɨxɨma ane iche xhopɨnanakiñɨ.

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

San Lucas 10:16

“Naki onsapetioti nabura, onsapetioti nisura. Tapɨti naki chiyasuriurutipɨ año, iñemo axɨna sane uiti. Naki sane uiti iñemo, sane uiti ɨmoti naki uiche aikɨpuruñɨ.”

San Juan 14:1

Auki nanti Jesús ɨmoma axɨmanuma nesaxti apóstoles: Tapɨ ausucheka, amonsotɨ ɨmoti Tupax amonkatityo iñemo.

San Juan 16:14

Uiti ñana aityusiankati nisɨriaka, ityopiki yasutiuti ñana axɨna ane sobi nauki aityusiankati ausukarɨ.

San Juan 17:10

Nanaiña axɨna ane sobi ta naesaityo, nanaiña axɨna ane obi ta niyesaityo. Axɨna nisɨriaka uimia aityusiankama.

Romanos 1:7

Namanaiña axɨbama po'osoma au Roma, taruku naukuasɨrɨkɨ ɨmoti Tupax batasukuxtyo aume apipesɨnaka nausɨboriki. Tari uiti Tupax naki Uyaɨ, axtityo Jesucristo aukurusɨka uimia taikianaintyo aixhimiakama nomɨnantɨ aboi aumeampatoe.

Romanos 15:12

Nantityo sane ñakonomosoxti naki profeta Isaías: “Ityusiankanɨ ñana nityakɨbaɨtuxti Jesé, atɨraiti ñana nauki yɨriabuxti ɨmo mañoñɨnka ikuki axɨna kɨx, axɨma ñana onkomatɨ ɨmoti.”

Romanos 6:22

Tapɨ kaɨma, tautaesɨbuka pɨnanaki nomɨnantɨ, apaserebikia kaɨma ɨmoti Tupax. Apisamute axɨna uxia ɨmoti. Au nityakɨrux iyebo aboi au napes, kauta champɨ nityakɨru nausɨboriki.

Romanos 8:9

Tapɨ axaño chausɨborikiaikipɨ isiuki nixhantɨmo naukɨtɨpɨ, ta isiuki noñemaxti Espíritu Santo, tyopiki axti Espíritu auki napes anati aukɨtɨpɨ. Axti naki champɨti nesaxti Espíritu Cristo kɨtɨpɨti, chanatipɨ chepeti Cristo.

1 Corintios 1:3

Tari axti Tupax naki Uyaɨ chepeti Yɨriabux Jesucristo aukurusɨka uimia aixhimiakama nomɨnantɨ aboi.

1 Corintios 10:31

Saneityo axtɨ aubaka, axtɨ auchaka, axtɨ apisamute kiatax napachɨkoi, apisamuse nanaiña ɨmo manaunkux ɨmoti Tupax.

1 Corintios 16:22

Axtɨ anati naki chɨkuasɨrɨtipɨ Yɨriabux Jesús ɨmoti, ¡tari pauxamanati uiti Tupax!

1 Corintios 6:19

¿Unka tusiu aume axɨna naukɨtɨpɨ tyone nipoxti Espíritu Santo axɨna toxio aume uiti Tupax, sane naukiche axti Espíritu Santo po'osoti aukɨtɨpɨ? Axɨna naukɨtɨpɨ chɨtɨpɨ naubesatoe,

2 Corintios 1:9

Sukanasomɨ kaɨmampae ityabairoma oñɨ. Ui axɨna sane atusi suiñemo tapɨ ananto soboi somonkatɨ suiñemoantoe, ta ɨmoti Tupax naki uiche sɨborikoma tato axɨbama tɨkoiñoma.

2 Corintios 5:14

Axɨna nukuasɨrɨkɨ ɨmoti Cristo sɨsio suisɨtɨpɨ naukiche tɨtusiu suiñemo koiñoti taman tyaku namanaiña, sane naukiche namanaiña koiñoma.

2 Corintios 5:19

Axti Tupax anankati aɨbuti Cristo ixhimiakatati aɨbutiatoe axɨba nomɨnantɨ ui namanaiña. Auki ikɨpuruti somɨ suburaboi axɨba omixhia nuraxti.

Efesios 6:24

Tari uiti aikunusɨankanati año namanaiña axɨbama taruku nikuasɨrɨkɨxti Yɨriabux Jesucristo ɨmoma.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

Hebreos 1:6

Au kiatax narɨkɨkixh, naukiche aityusiankanati naki kusɨrɨboti Aɨtoxti iku axɨna kɨx, nantɨ iku Nikorox: “Tari namanaiña axɨbama ángeles auki napes anauma ɨmoti.”

2 Pedro 1:1

Axɨñɨ Simón Peru yaserebikia ɨmoti Jesucristo anankañɨntyo isiuti, nixhakionko tanu ɨmoma axɨbama ikokoromati Jesús takana axɨsomɨ, tyopiki axti naki Tupax oemo chepeti Jesucristo uxia ñapanaunkuxti.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.

1 Juan 2:23

Axti naki chikokorotipɨ Jesús, champɨityo axtɨ ikokoroti Tupax, tapɨti naki ikokoroti Jesús, ta ikokorotityo Yaɨtoti.

2 Juan 1:9

Axti naki xhanxti aiñanti pese ñanunekakaxti Cristo, champɨti Tupax chepeti. Tapɨti naki sɨsioti aɨbu axɨmanu ñanunekakaxti, anati chepeti Yaɨtoti chepetityo Aɨtoxti.