Apocalipsis 16:8 - Manityanati Tupax

⁸ Axti maniki kiatax ángel iyarapatati auki nichapoxti onɨ sux, auki chebo ɨmo sux nauki namanaiña akɨxuma ui nipekixh.

Manitanati Tuparrü

⁸ Auquito arrti maniqui cuarto ángel isupiutati auqui nesarrti vasorrü isu surrü, nauqui manrrü nipequirri. Uirri cürrubuma macrirrtianuca.

Apocalipsis 16:8 Խաչաձեւ Հղումներ

San Mateo 13:6

Naukiche tɨtane ape sux, kɨxubu uixh, tyopiki champɨ nuxia nixhanakax, sane naukiche sɨɨbo.

San Lucas 21:25

“Abe ñana axɨba oboiche atusi kɨtɨpɨ sux, ikɨtɨpɨ panx yokɨtɨpɨtyo nostoñeka. Tapɨ iku axɨna kɨx axɨba nacioneka chɨmastakaxɨpɨ ɨmoma bixhubuma ui nikɨpura narubaityu tux.

Hechos 2:20

Chɨkuarapɨ ñana sux, tapɨ panx takana notox, uxiante ñana axɨna sane kɨmenu axɨmanu nanenes niyekixhti tato Yɨriabux, axɨmanu nanenes ñana taruku niyarusɨrɨkɨx.

Apocalipsis 14:18

Onɨki axɨmanu altar kuati kiatax ángel, axti naki ane nɨriakaxti ɨmo pes, auki nanti ɨmoti maniki ángel ane otoro nikɨsesti: “¡Akosi aɨbu nakɨse otoro, aityɨsɨnasio uixh nɨta uva auki ñanaunx ikuki kɨx, tyopiki axɨmanio nɨtax chauki tupubu!”

Apocalipsis 6:12

Naukiche axɨmanu Nobixhax ikiompɨnata axɨmanu kiatax nityomoentox, yasaratɨ, auki tarukapae nipiaichokonoko kɨx. Otochebo sux, takana nusaibi axɨna kɨbɨsi. Nanaiña panx kɨturiki takana notox,

Apocalipsis 7:16

Chanantopɨ atakisɨrɨma ui nikɨrɨpɨxɨma uityo nityosɨxɨma, chɨtakisɨrɨpɨmaintyo ui sux, chɨtakisɨrɨpɨmaintyo ui nipekixh.

Apocalipsis 8:12

Axti maniki kiatax ángel ipunutati nibuxixhti, auki mameso kɨmuintya pɨrɨkɨ nikɨmuintya sux, kɨmuintya pɨrɨkɨ nikɨmuintya panx kɨmuintya pɨrɨkɨ nikɨmuintya nostoñeka. Sane naukiche kɨmuintya pɨrɨkɨ niñokɨmuintyax sɨsio tomikianene, chɨbukuarapɨ kɨmuintya pɨrɨkɨ nikɨmuintya sapes chepe tobixh.

Apocalipsis 9:2

Naukiche axɨmanu nostoñes iyaɨbuta axɨmanu kɨtubixh, kuatɨ tanene nausixh takana auki yarusɨrɨxatoe horno. Ui axɨmanu nausixh auki axɨmanu kɨtubixh tabuxio nikua sux nanaiña makiɨtɨx.