Apocalipsis 14:8 - Manityanati Tupax

⁸ Axti kiatax ángel, nanti: “¡Tɨtaɨbɨko, tɨtaɨbɨko axɨmanu yarusɨrɨx Babilonia, axɨna manunekana ɨmo namanaiña axɨbama po'osoma iku axɨna kɨx aisamunema nomɨnantɨ nauki anaumaintyo ɨmo matupaka nisamuku mañoñɨnka!”

Manitanati Tuparrü

⁸ Isiuticaü cuati quiatarrü ángel, tosibicotito nurria, nanti sane: —Iñarrio, iñarrio manu pueblurrü Babilonia aübu namanaiña bama pohoso, itopiqui uimia churriampü nisüboriqui bama auqui piquiataca nacioneca.

Apocalipsis 14:8 Խաչաձեւ Հղումներ

Apocalipsis 11:8

Nikɨtɨpɨxɨma sɨsio akɨ yusiu kutubiuka axɨpeku axɨmanio poka kauta aityabairomati Yɨriabux tɨkañe naukiche ityakubaxiromati kɨtɨpɨ kurusɨx. Mañoñɨnka ichepekatama nobɨrixh axɨmanio poka aɨbu Sodoma chepe Egipto.

Apocalipsis 16:19

Axɨmanu kauta sɨrɨmana poka chepetobo trex auki, axɨmanio pikiataka kauta sɨrɨmana poka iku axɨna kɨx butaɨbɨko. Axti Tupax akionotiyɨ iyo axɨmanu yarusɨrɨx kauta sɨrɨmana poka nɨrixh Babilonia, nauki taruku nityakisɨrɨkɨx ui axɨmanu nityɨborixhti.

Apocalipsis 17:18

Axɨmanu astai paɨx tyone axɨmanu yarusɨrɨx kauta sɨrɨmana poka, axɨma makokonauma ɨmo namanaiña mayɨriabuka ikuki axɨna kɨx.”

Apocalipsis 19:2

Tyopiki axti besɨro ñapanaunkuxti isiuki axɨna ñemanauntu nuraxti. Tyopiki takisɨrɨ uiti axɨmanu yarusɨrɨx Babilonia ui axɨna chuxiampɨ nisɨborikixh mameso nisɨborikixhimia mañoñɨnka ikuki axɨna kɨx. Takisɨrɨ uiti Tupax tyopiki koiñoma uixh axɨbama baserebioma ɨmoti.”