Apocalipsis 14:1 - Manityanati Tupax

¹ Auki yasaratɨ, yasakatɨ ɨmo axɨmanu Nobixhax atɨrai onɨ axɨmanu yirityux Sión. Akamanu ichepe amonkoma ciento cuarenta y cuatro mil nububikixhimia axɨbama korobo ikutama nɨri axɨmanu Nobixhax nɨrixhtityo Yaɨtoti.

Manitanati Tuparrü

¹ Auqui yasacatü ümo manu Nobirrama ane atüraiyo onü manu yiriturrü nürirri Sión. Aboma ichepe ciento cuarenta y cuatro mil macrirrtianuca. Corobo icutama nüri manu Nobirrama (arrti Cristo) y nürirrti Bae Tuparrü.

Apocalipsis 14:1 Խաչաձեւ Հղումներ

San Lucas 12:8

“Sukanañɨ aume axtɨ anati naki urapoiti anati ichepeñɨ isukarɨ mañoñɨnka, axtityo Aɨtoxti ñoñɨnx manityanati tyakuti kutakikiboti sukarɨ axɨbama ángeles auki napes.

Romanos 9:33

axɨna nantɨ iku Nikorox: “Axɨnɨ iñata taman kanx onɨ yirityux Sión, taman kanx uiche aupopetabaxikia. Axti naki ikokotati, iyebo uiti nisɨborikixhti.”

Apocalipsis 14:14

Auki yasaratɨ, ɨmo taman kɨsaɨbox purusubi, onɨ axɨmanu kɨsaɨbox anankati tɨmonsoti axti naki takanati aɨtoxti ñoñɨnx. Ane ityati nityarusɨxti uxiante ui oro tapɨ mekuti ane taman kɨses otoro nuxia.

Apocalipsis 14:3

Axɨmanuma ciento cuarenta y cuatro mil amonkoma atɨraimia esa axɨmanu nityɨmoxti Yɨriabux, esamaintyo axɨmanuma cuatro sɨborikoma axɨmanumaintyo veinticuatro mayɨriabuka, masonioma axɨmanu sonixh aɨbo rabotɨ. Champɨti iyebo uiti axɨmanu sonixh, kunauntañamantai axɨmanuma ciento cuarenta y cuatro mil ane maximiakatax ɨmoma axɨpekukimia axɨbama ikuki axɨna kɨx.

Apocalipsis 15:5

Yopɨrɨkɨ nanaiña axɨba sane, auki yasakatɨ au napes yastai aurɨbo axɨmanu nipoxti Tupax.

Apocalipsis 22:4

Namanaiña ñana asaramati Tupax, ane ñana nɨrixhti Tupax korobo ikutama.

Apocalipsis 3:12

Axɨbama chɨtapenekopɨma oboi makokotoka taruku ñana nɨriakaxɨma sobi au nipoxti Tupax iñemo, akamanu ñana sɨsioma. Kɨtɨpɨma ñana korobo sobi nɨrixhti Tupax iñemo nɨrixhtyo axɨmanu nipoxti, axɨmanu iyebo Jerusalén kuatɨ auki napes, ikonomotaityo kɨtɨpɨma axɨmanu iyebo nisɨri.

Apocalipsis 4:1

Auki kaɨma, yasakatɨ ɨmo taman tyurux aurɨbo au napes. Axɨmanu tosibixh kusɨrɨbo ñonkoi, takana nipuku buxixh, nantɨ iñemo: “Ariaku tauna ape ityusiankata kaɨma asukarɨkɨ axɨba omixhantenki yopɨrɨkɨ axɨba pikiataka.”

Apocalipsis 6:8

Auki yasaratɨ, yastai taman kabayux, purusubiatai nikɨtɨpɨx, axti maniki anati chaku nɨrixhti konkox. Isiuti kuatati maniki kuatati au nɨri konkox, auki toxio ɨmoma ɨriakaboma ɨmo kɨmuintya nikɨmuintya axɨna kɨx, nauki atabaimia oboi nikomesɨma, ui kɨrɨpɨx, ui noxokox, oboityo numukianka ikuki axɨna kɨx.