Apocalipsis 11:12 - Manityanati Tupax

¹² Auki axɨmanuma toxɨma urapoimia noñemaxti Tupax onkoimia tosibixh auki napes, nantɨ sane ɨmoma: “¡Ausiapata tauna!” Auki sɨromatɨ au napes iku taman kɨsaɨbox, sukarɨma namanaiña axɨmanuma chuxiampɨ uimia ɨmoma.

Manitanati Tuparrü

¹² Auqui arrümanuma torrü terrticurrü oncoimia manitacarrü ümoma auqui napese, nantü sane: —Ausiapata tauna ape. Arrüma caüma süromatü ape eana taman cüsaüborrü. Y arrübama tüboricoma icuatama arrtayomatü isiuma.

Apocalipsis 11:12 Խաչաձեւ Հղումներ

San Lucas 16:23

“Axti maniki taruku nenaxixhti takisɨrɨti kauta sɨromatɨ axɨbama makoiñoma, auki iche asaratitɨ ɨmoti Abraham chepeti Lázaro tɨmonsoti petakuti.

Hechos 1:9

Naukiche tɨnanti axɨna sane, axɨmanuma amonkoma isiuti astaimia kausane niyɨkɨxti Jesús au napes, taman kɨsaɨbox ityamuxikianati auki chasaramatɨkipɨ.

1 Tesalonicenses 4:17

Auki axoñɨ axɨbama osɨborikiaiki uɨkatɨ uiti chepema omeana kɨsaɨboka, akamanu uikuñukati ape. Auki sɨsio oñɨ chepeti Yɨriabux Jesús ɨmo champɨ nityakɨru nosɨboriki.

Apocalipsis 12:5

Axɨmanu paɨx ane meku nipiaɨmakax ñaɨmanti, axti naki yɨriabuxti ñana ɨmo nanaiña kɨx aɨbu nibiaxtonxti yerux. Axti maniki simia kaɨburuti pɨnanaki nipiakɨtoti sɨromatɨ aɨbuti esati Tupax esaityo axɨmanu nityɨmoxti.

Apocalipsis 3:21

Axɨbama chɨtapenekopɨma aboma ñana chepeñɨ kauta niyaka aɨbu nisɨriaka, sane takana axɨñɨ chichapenekapɨ auki ichɨmoka chepeti Iyaɨ kauta nityɨmo nɨriakaxti.

Apocalipsis 4:1

Auki kaɨma, yasakatɨ ɨmo taman tyurux aurɨbo au napes. Axɨmanu tosibixh kusɨrɨbo ñonkoi, takana nipuku buxixh, nantɨ iñemo: “Ariaku tauna ape ityusiankata kaɨma asukarɨkɨ axɨba omixhantenki yopɨrɨkɨ axɨba pikiataka.”