2 Corintios 10:3 - Manityanati Tupax

³ Ñemanauntu axoñɨ chepatai nusaka, ta chɨsupapachetiopɨ takana yapachetioma axɨbama mañoñɨnka ikuki axɨna kɨx.

Manitanati Tuparrü

³ Ñemanauntu arrüñü ñoñünrrüñüantai, pero arrüna nirrahiqui champürrtü tacana yahiquirrimia macrirrtianuca icu na cürrü.

2 Corintios 10:3 Խաչաձեւ Հղումներ

Romanos 7:5

Naukiche osɨborikiaiki yupu axɨba nomɨnantɨ, axɨmanu bakɨpukux uiti Moisés uixh aistopɨna nokɨtɨpɨ nauki uisamunio axɨba chomixhampɨ, axɨna iyebo osoi ityobo tyone nokonko.

Romanos 8:13

Tyopiki axtɨ ausɨborikia isiuki axɨmanu nixhantɨmo naukɨtɨpɨ, aukonka ñana. Tapɨ axtɨ ui noñemaxti Espíritu Santo apiñokota axɨmanu nixhantɨmo naukɨtɨpɨ, ausɨborikia.

Romanos 8:4

Isamutenti sane nauki uisamune axɨna besɨro yakɨpukux axɨna nɨriakax, chosɨborikiaikipɨ isiuki axɨba nuxiantɨmo ta osɨborikia ui noñemaxti Espíritu Santo.

2 Corintios 1:17

Naukiche ixhanka isamune axɨna sane, ¿ensapɨ isɨsabukañɨantai? Au napakionko nanaiña axɨna ixhanka isamune, isamute ui nixhapantu, axtɨ sukanañɨ “sane” axtɨ sukanañɨntyo “chɨsanempɨ.”

2 Corintios 10:4

Tyopiki axɨna suisome chisiupɨ takana ikuki axɨna kɨx, ta nikusɨuxti Tupax uixh omiñaxio ñanaiña axɨba taruku niyukusɨux saneityo sopiñaximiakata nanaiña axɨba chomixhampɨ nuraxɨma.

Gálatas 2:20

chauki chaxɨpɨñɨnki isɨborikia, ta tyonenti Cristo naki sɨborikoti sɨtɨpɨñɨ. Tapɨ axɨna nisɨboriki kaɨma ane sɨtɨpɨñɨ, isɨborikia ui axɨna ikokokati naki Aɨtoxti Tupax, tyopiki isuasɨrɨka ɨmoti ityoximiatatityo nisɨborikixhti chopikiñɨ.

1 Timoteo 1:18

Axɨkɨ Timoteo, isaɨkɨ, nanaiña axɨba ikɨpukɨ aisamunio ta sane takana axɨmanu urapoimia tɨkañe axɨmanuma profetas akɨtɨpɨkɨ. Axtɨ aisamute nanaiña iyebo obi takanati taman sortabox ipiakati okɨmati tyakutiatoe.

2 Timoteo 4:7

Iyebo sobi axɨna taruku nixhanka, iñatai tyakɨru niyachɨkoi, aɨbu nixhakokonaunku.

Hebreos 12:1

Sane naukiche, axoñɨ aboma auna uyaxɨpeku sɨrɨmanama axɨbama ityusiankatama ñakokonaunkuxɨma, sane naukiche uiñokoniona nanaiña axɨba uiche chichebopɨ nauki uikokoroti Tupax. Tyopiki axɨna nosɨboriki tyone takana barukux, tapɨ axɨna nomɨnantɨ tyone axɨna uiche chichebopɨ uxia barukux.