1 Juan 3:18 - Manityanati Tupax

¹⁸ Masaɨtaiki, tapɨ manityakaxtai axɨna numakumananaunku, uityusiankana ui axɨna uxia uisamute.

Manitanati Tuparrü

¹⁸ Amasasai nurria masaütaiqui, tapü manitacarrtai arrüna nucua oemomatoe, tari ñemanauncurratoe. Tiene que atusi nicuarrti quiatarrü oemo ui arrüna nubayuraca ümoti.

1 Juan 3:18 Խաչաձեւ Հղումներ

San Lucas 7:5

tyopiki kuasɨrɨ ɨmoti axɨna nokɨ'ɨ uitityo aisamunenti suiñemo axɨna sinagoga.

San Juan 17:19

Nanaiña nisɨboriki toxio sobi aemo, saneityo ixhanka aisamunema axɨbama aboma isiuñɨ isiuki axɨna ñemanauntu.

Romanos 12:9

Tari ñemanaunkuxatoe naukuasɨrɨkɨ aumeampatoe. Amekosi isiu axɨna uxia mapanaunkux.

Gálatas 5:13

Axaño, masarukityaiki, tɨtane batasukux aume eanaki nomɨnantɨ. Axɨna champɨ nomɨnantɨ aukɨtɨpɨ tapɨ uixh amekatɨ isiu axɨna nauxiantɨmoantoe. Ta apisamuse axɨna uxia aɨbu napakumananaunku aumeampatoe.

Efesios 4:15

Axɨmanu makumananaunkux tari uixh taikiana ñemanauntu axɨna numanityaka, nauki au nanaiña axɨna uisamute isiu nosɨboriki takana nisɨborikixhti Cristo, naki Yɨriabux ɨmoma axɨbama ikokoromati.

1 Tesalonicenses 1:3

Tusiu nuxia suiñemo nanaiña axɨna apisamute uixh apityusiankata ta apikokota nuraxti Tupax kuasɨrɨti aume, axtɨ autakisɨrɨka champɨ nɨmoche aboi, sɨsio año aɨbu narukux aume kɨmenuti Yɨriabux Jesucristo, sukarɨti Tupax naki Uyaɨ.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Juan 2:1

Aukuasɨrɨka iñemo takana axɨbama isaɨtaiki. Xhakonomoka aume axɨna kichonimiakax tapɨ apisamute nomɨnantɨ. Axtɨ anati naki isamutenti nomɨnantɨ, anati esati Uyaɨ naki okɨmanabo utaku, axti Jesucristo, naki uxia ñapanaunkuxti.

1 Juan 3:7

Masaɨtaiki, tapɨ anati matachemakana aume: axti naki isamutenti axɨna uxia tyonenti naki uxia nisɨborikixhti, takanati Jesús.

2 Juan 1:1

Axti yɨriabux naki asaratitɨ tyakuma axɨbama samamekanama uiti Tupax axɨbama ikokoromati Jesús. Ñemanauntu aukuasɨrɨka iñemo, chaxɨpɨñɨantai, namanaiñaintyo axɨbama isuputakaimia axɨna ñemanauntu.

3 Juan 1:1

Axti yɨriabux ñakionkoxti ɨmoti Gayo, naki ñemanauntu kuasɨrɨti ɨmoti.