1 Juan 3:16 - Manityanati Tupax

¹⁶ Axoñɨ tusiu oemo axɨna makumananaunkux tyopiki axti Jesucristo ityoximiatati nisɨborikixhti utaku saneityo axoñɨ, uityoximiana nosɨboriki tyakuma axɨbama usarukityaiki.

Manitanati Tuparrü

¹⁶ Arrti Cristo itorrimianatiyü uirrtiatoe, nauqui aconti otopiqui. Uiti tusio oemo arrüna tarucu nucua ümoti. Sane nauquiche arroñü ito tiene que uitorrimia nosüboriqui itacuti usaruqui.

1 Juan 3:16 Խաչաձեւ Հղումներ

San Mateo 20:28

Tyopiki, sanentityo Aɨtoxti ñoñɨnx, chɨkuatatipɨ nauki aserebimia ɨmoti, ta kuatati nauki aserebiti nauki aityoximiatityo nisɨborikixhti ityoboma axɨbama taruku nububikixhimia.

San Juan 10:11

Axɨñɨ ipiaka nuxia yasaratɨ yutaku nobixhaka. Axti naki ipiaka asaratitɨ yutaku nobixhaka ityoximiatati nisɨborikixhti yutaku.

San Juan 10:15

“Sane takanati Tupax axti naki Iyaɨ isuputaratiñɨ, axɨñɨntyo isuputakati. Saneityo axɨñɨ isuputakama axɨbama sɨromatɨ isiuñɨ axɨmaintyo isuputaramañɨ. Axɨñɨ ityoximiata nisɨboriki yutaku niyabu nobixhaka.

San Juan 13:34

“Toxio sobi aume axɨna aɨbo bakɨpukux: Aukuasɨrɨ aumeampatoe. Sane takana naukuasɨrɨkɨ iñemo.”

San Juan 3:16

“Taruku nikuasɨrɨkɨx ɨmoti Tupax axɨna kɨx, sane naukiche toxioti uiti axti naki kunauntañati Aɨtoxti, nauki axɨbama ikokoromati tapɨ ensoro nausɨpɨxɨma, tari abaityux nisɨborikixhimia.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

Romanos 16:4

Chɨkuasɨrɨpɨ ɨmoma nisɨborikixhimia tyaku nisɨboriki, chɨtɨpɨ axɨñantai ñachampienkaka ɨmoma, ta namanaiña axɨbama usarukityaiki ikokoromati Jesús, axɨbama chɨtɨpɨ judíos.

Romanos 5:8

Axti Tupax ityusiankatati axɨna taruku nukuasɨrɨkɨ ɨmoti, naukiche tɨkañe taruku nomɨnantɨ osoi axti Cristo koiñoti otopiki.

2 Corintios 4:12

Sane naukiche axɨna konkox ane suisɨtɨpɨ, tapɨ aukɨtɨpɨ ane sɨborikixh.

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

Efesios 5:25

Tapɨ axaño mañoñɨnka, tari aukuasɨrɨ aume naukɨposɨ, takana nikuasɨrɨkɨxɨma ɨmoti Cristo axɨbama ikokoromati, toxioityo uiti nisɨborikixhti tyakuma.

Filipenses 2:17

Axaño apaserebikia amonkatɨtyo ɨmoti Tupax, tyone takana axtɨ napakumanata. Axtɨ ityabairomañɨ, tyoneintyo aruki axɨmanu makumanatax ɨmoti Tupax. Axtɨ sane ñana, taruku nipukɨnunku, ixhanka aupukɨnunka chepeñɨ.

Filipenses 2:30

tyopiki niyachɨkoiti ɨmoti Cristo tisaipɨ akonti. Añekana nisɨborikixhti, tɨsaimiampɨ akonti, ui axɨna anankati asaratitɨ chakuñɨ tyopiki axaño chamonkañopɨ amasarañɨ.

1 Tesalonicenses 2:8

Saneityo axɨsomɨ taruku suipukɨru autaku chɨsuixhankapɨ sopityoximia aume axɨnantai nuraxti Tupax, ta axtɨ ane nɨmoche sopityoximiataityo suisɨboriki autaku.

Tito 2:13

Chepe axtɨ iñatai ñana axɨmanu ensɨmunu tɨkañe oemo axɨna kɨmenuche nubaxɨperaka: niyekixhti tato aɨbu nanentakaxti yarusɨrɨx Tupax oemo Jesucristo, naki uiche ane maximiakatax oemo.

1 Pedro 1:18

Tyopiki axti Tupax autaesɨbu uiti pɨnanaki axɨmanu nausɨboriki champɨ nanenekiche axɨna iyebo aboi isiuki axɨbama aubaɨtaiki tɨkañe. Axaño tusiu nuxia aume, nikuax axɨmanu maximiakatax aume, chɨtoxiopɨ ityobo axɨba mumameso ñana takana oro chepe plata,

1 Pedro 2:24

Axti Cristo omenotɨ uiti kɨtɨpɨti axɨba nomɨnantɨ osoi kɨtɨpɨ kurusɨx, nauki axoñɨ uiñokonio nomɨnantɨ nauki sane uisamune axɨna uxia. Axti Cristo obɨrio ɨmoti nauki axaño uxiankaño tato.

1 Pedro 3:18

Tyopiki axti Cristo tamantai nikonkoxti yotopiki nomɨnantɨ osoi. Axti champɨ nipɨnatenti, yasutiuti nityakisɨrɨkɨxti tyakuma axɨbama chuxiampɨ nisɨborikixhimia, nauki amekatɨ uiti esati Tupax. Koiñoti aɨbu kɨx nikɨtɨpɨxti. Sɨborikoti tato aɨbu nausɨpɨxti,

1 Juan 2:6

Axti naki nanti anati chepeti Tupax, tari aisamunenti nisɨborikixhti takana nisɨborikixhti Jesucristo.

1 Juan 2:9

Axti naki nanti anati au nanentax, ta chuxiampɨ uiti ɨmoti yarukityoxti, anatiki au tomikianene.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.