Romanos 12:14 - Manitanati Tuparrü

¹⁴ Apicunusüancasama bama uiche autaquisürüca, tapü apipiaurramacama.

Manityanati Tupax

¹⁴ Apikunusɨankasama axɨbama chuxiampɨ uimia aume. Apikunusɨankasama, tapɨ apipiauxamakama.

Romanos 12:14 Խաչաձեւ Հղումներ

San Mateo 5:44

Tapü arrüñü sucanañü aume: Tari cuasürüma aume bama tüboricatai aume. Apicunusüancarrüma bama churriampü ñanitacarrüma aume. Apisamuse arrüna urria aübu bama ipiaurramanaño. Apean itacu bama tüboricatai aucuata y arrübama autaquisürüca uimia.

San Lucas 23:34

Arrti Jesús nanti: —Iyaü, tari airrimiaca nomünantü ui bama macrirrtianuca, itopiqui chütusiopü ümoma arrüna isamutema. Tapü bama masortaboca suerteabo uimia naibirrti Jesús.

San Lucas 6:28

Tari apicunusüancasa bama ipiaurramanaño. Apean ito itacu bama unuma año.

Hechos 7:60

Auqui bachesoiyoti oboi canca, tosibicoti fuerte, nanti: —Señor, tapü ane causane obi ümoma itacu arrüna nünantü uimia. Nauquiche tünanti sane, coiñoti.

Romanos 12:21

Tapü apichücaño ñome ba chomirriampü, ta apisamuse arrüna urria, nauqui atacüru arrüna churriampü.

1 Tesalonicenses 5:15

Amasasai nurria, tapü anati naqui matocono tato ümoti quiatarrü, arrtü ane causane uiti ümoti.

Santiago 3:10

¿Causane manita urria y churriampü? Masaruquitaiqui, tapü sane osoi.

1 Pedro 3:9

Tapü apatococa tato aübu nomünantü itobo arrüna nomünantü isamutema aume. Arrtü anati unuti año, tapü apatococa tato apunuti. Mejor apean itacu bama tüboricoma aume, itopiqui ümo te itasuruti año Tuparrü. Sane nauqui aucurusü ito uiti Tuparrü.