ՍԱՂՄՈՍՆԵՐ 6 - Նոր վերանայված Արարատ ԱստվածաշունչՆեղության ժամանակ օգնության աղոթք Երգողների գլխավորին։ Նիկինոթով. թավ ձայնով։ Դավթի սաղմոս։ 1 Ո՜վ Տեր, մի՛ հանդիմանիր ինձ քո բարկությամբ և մի՛ պատժիր ինձ քո զայրույթով։ 2 Ողորմի՛ր ինձ, Տե՛ր, որովհետև տկար եմ ես. բժշկի՛ր ինձ, Տե՛ր, որովհետև ցնցվում եմ մինչև ոսկորներս։ 3 Եվ խիստ ցնցվում է իմ անձը. իսկ դու, ո՜վ Տեր, մինչև ե՞րբ... 4 Դարձի՛ր, Տե՛ր, ազատի՛ր իմ անձը. փրկի՛ր ինձ, քանի որ ողորմած ես։ 5 Որովհետև մահվան մեջ քեզ հիշել չկա. գերեզմանում ո՞վ պիտի փառաբանի քեզ։ 6 Ես հոգնել եմ իմ հառաչանքներից. ամբողջ գիշերը լվանում եմ իմ անկողինը և իմ արցունքներով թրջում եմ իմ մահիճը։ 7 Տրտմությունից մաշվեց իմ աչքը, տկարացավ իմ թշնամիների պատճառով։ 8 Հեռացե՛ք ինձնից բոլորդ, ո՛վ անօրենություն գործողներ, որովհետև Տերը լսել է իմ լացի ձայնը։ 9 Տերը լսեց իմ աղաչանքը. Տերն ընդունում է իմ աղոթքը։ 10 Թող ամաչեն և խիստ զարհուրեն իմ բոլոր թշնամիները. թող ետ դառնան և ամաչեն շուտով։ |
© Bible Society in Armenia, 2018
Bible Society of Armenia