ՍԱՂՄՈՍՆԵՐ 146 - Նոր Էջմիածին Աստվածաշունչ1 Ալելուիա՝ Անգեոսի և Զաքարիայի 1 Ալելուիա՝ Անգեոսի և Զաքարիայի Օրհնեցե՛ք Տիրոջը, Որովհետև բարի են սաղմոսները. Օրհնությունը հաճելի է մեր Աստծուն։ 2 Տերը կառուցում է Երուսաղեմը Եվ հավաքում Իսրայելի ցրվածներին, 3 Բժշկում է բեկյալ սրտերը Եվ կապում է նրանց վերքերը բոլոր։ 4 Հաշվում է աստղերի բազմությունը Եվ բոլորին կոչում է իրենց անուններով։ 5 Մեծ է մեր Տերը, և մեծ է նրա զորությունը. Նրա իմաստությունը սահման չունի։ 6 Տերն ընդունում է հեզերին Եվ ամբարտավաններին խոնարհեցնում մինչև գետին։ 7 Օրհնեցե՛ք Տիրոջը խոստովանությամբ, Սաղմո՛ս երգեք նրան օրհնությամբ։ 8 Նա ամպերով պարուրեց երկինքը Եվ անձրև պատրաստեց երկրի համար, Խոտ բուսեցրեց լեռների վրա, Կանաչություն՝ մարդկանց ծառայելու համար։ 9 Նա, որ կերակուր է տալիս անասուններին, Ագռավի ձագերին, որ կանչում են նրան։ 10 Ոչ թե ձիու զորությունը կամեցավ Տերը, Ոչ էլ հսկա մարդու իրանը հաճելի գտավ։ 11 Այլ Տերն իրենից երկյուղածներին է հավանում Եվ նրանց, ովքեր իր ողորմությունն են հայցում։ |
© Bible Society in Armenia © Հայաստանի Աստվածաշնչային Ընկերություն
Bible Society of Armenia