UNumeri 33:1 - IBHAYIBHELI ELINGCWELE

¹ Nanka amabanga ohambo lwabantwana bakwa-Israyeli abaphuma ngawo ezweni laseGibithe ngamabandla abo phansi kwesandla sikaMose nesika-Aroni.

IsiZulu 2020

¹ Nansi indlela abantu bakwa-Israyeli abahlelwa ngayo ngokwamathimba abo, ngesikhathi bephuma eGibhithe beholwa nguMose no-Aroni.

Contemporary Zulu Bible 2024

¹ Lezi ziyizohambo zabantwana bakwa-Israyeli abaphuma ezweni laseGibithe ngamabandla abo phansi kwesandla sikaMose no-Aroni.

UNumeri 33:1 Referans Kwoze

UMikha 6:4

Nganikhuphula ezweni laseGibithe, nganihlenga endlini yezigqila, ngathuma phambi kwenu oMose, no-Aroni, noMiriyamu.

AmaHubo 77:20

Wahola abantu bakho njengezimvu ngesandla sikaMose no-Aroni.

1 Samuweli 12:8

“Lapho uJakobe esefikile eGibithe, oyihlo bakhala kuJehova, uJehova wathuma oMose no-Aroni abakhipha oyihlo eGibithe, babahlalisa kule ndawo.

UJoshuwa 24:5

“ ‘Ngathuma oMose no-Aroni, ngahlupha iGibithe ngalokho engakwenza phakathi kwalo; ngasemuva nganikhipha.

UEksodusi 13:18

Kepha uNkulunkulu wabagwegwisa abantu ngendlela yasehlane ngaseLwandle Olubomvu; abantwana bakwa-Israyeli bakhuphuka ezweni laseGibithe behlomile.

UEksodusi 12:51

Kwathi ngalona lolo suku uJehova wakhipha abantwana bakwa-Israyeli ezweni laseGibithe ngamabandla abo.

UEksodusi 12:37

Abantwana bakwa-Israyeli basuka eRamesesi, bafika eSukoti, kungathi abantu abayizinkulungwane ezingamakhulu ayisithupha behamba phansi, bengamadoda ngaphandle kwabantwana.

UNumeri 33:2

UMose waloba ngokuhamba kwabo ngamabanga abo ngesiyalezo sikaJehova; nanka amabanga abo njengokuhamba kwabo.

AmaHubo 105:26

Wathuma uMose inceku yakhe, u-Aroni abemkhethile.

UEksodusi 6:26

Yibo labo o-Aroni noMose uJehova athi kubo: “Khiphani ezweni laseGibithe abantwana bakwa-Israyeli ngamabandla abo.”

UEksodusi 12:41

Kwathi ekupheleni kweminyaka engamakhulu amane namashumi amathathu, kwathi ngalona lolo suku, amabandla onke kaJehova aphuma ezweni laseGibithe.