UNumeri 12:14 - IBHAYIBHELI ELINGCWELE

¹⁴ UJehova wathi kuMose: “Uma uyise ebemkhafulele ebusweni, ubengebe namahloni izinsuku eziyisikhombisa na? Makavalelwe ngaphandle kwekamu* izinsuku eziyisikhombisa; ngasemva kwalokho uyakubuye angeniswe.”

IsiZulu 2020

¹⁴ USimakade wathi kuMose: “Uma uyise ebemkhafulele ngamathe ebusweni, ubengelithwale yini ihlazo lakhe izinsuku eziyisikhombisa na? Makavalelwe ngaphandle kwenkambu izinsuku eziyisikhombisa; emveni kwalokho uyakubuye angeniswe.”

Contemporary Zulu Bible 2024

¹⁴ UJehova wathi kuMose: “Uma uyise ubemkhafulele ebusweni nje, ubengayikujabha izinsuku eziyisikhombisa na? makakhishwe ekamu izinsuku eziyisikhombisa, abuye angeniswe.

UNumeri 12:14 Referans Kwoze

UDuteronomi 25:9

umkamfowabo uyakufika kuye phambi kwamalunga, akhumule isicathulo onyaweni lwakhe, amkhafulele ebusweni bakhe, aphendule athi: ‘Kuyakwenziwa kanjalo kumuntu ongayakhi indlu yomfowabo.’

UJobe 30:10

Bayanengwa yimi, bemi kude nami; abayeki ukungikhafulela ngamathe.

U-Isaya 50:6

Nganika abashayi umhlane, nezihlathi zami kubo abahluthula isilevu; angibusithelisanga ubuso bami ekuhlazisweni nasekufelweni amathe.

KumaHeberu 12:9

Futhi-ke sasinawobaba bethu benyama abasilayayo, sabazisa; pho, asiyikuthobela uYise wawomoya kakhulu kunalokho, siphile, na?

Mathewu 26:67

Base bemkhafulela ngamathe ebusweni, bamdushuza, kepha abanye bammukula,

UJobe 17:6

Ungibeke isaga sabantu, ngibe ngokhafulelwa ebusweni.

ULevitikusi 14:8

“Oyakuhlanjululwa makahlanze izingubo zakhe, aphucule zonke izinwele zakhe, ageze ngamanzi, ahlambuluke; emva kwalokho uyakungena ekamu,* kepha ahlale ngaphandle kwetende lakhe izinsuku eziyisikhombisa.

UNumeri 5:1

UJehova wakhuluma kuMose, wathi:

2 AmaKhosi 15:5

UJehova wayishaya inkosi, yaba ngonochoko kwaze kwafika usuku lokufa kwayo, yahlala endlini eyahlukanisiweyo. UJothamu, indodana yenkosi, wayephezu kwendlu ahlulela abantu bezwe.

ULevitikusi 13:4

Uma ibala elikhanyayo limhlophe esikhumbeni senyama yakhe, lingabonakali lishonile kunesikhumba, noboya balo bungaphendukile baba mhlophe, khona umpristi uyakumvalela onesifo izinsuku eziyisikhombisa,