UNahume 1:4 - IBHAYIBHELI ELINGCWELE

⁴ Uyakhuza ulwandle, alomise, ashise nemifula yonke; iBashani liyawuma kanye neKarmeli, nezimbali zaseLebanoni ziyabuna.

IsiZulu 2020

⁴ Ukhuza ulwandle, alomise, nemifula yonke ayishise, iBhashani neKharimeli kuyabuna, kuntshwame nezimbali eLebhanoni.

Contemporary Zulu Bible 2024

⁴ Uyakhuza ulwandle, alomise, ayomise nemifula yonke; iBashani liyabuna neKarmeli, nembali yaseLebanoni iyabuna.

UNahume 1:4 Referans Kwoze

U-Isaya 33:9

Izwe liyalila, lidangele; iLebanoni linamahloni, liyabuna; iSharoni linjengehlane, iBashani neKarmeli kuyavuthulukisa.

AmaHubo 106:9

Wakhuza uLwandle Olubomvu, lwasha; wabaholela ekujuleni njengasehlane.

U-Isaya 51:10

Akusuwe owomisa ulwandle, amanzi asotweni olujulileyo, owenza izinzulu zolwandle zaba yindlela yokuba kuwele abahlengiweyo, na?

U-Isaya 44:27

oshoyo kuwo umsinga ukuthi: ‘Yisha, ngiyakomisa imifula yakho;’

AmaHubo 114:5

Unani wena lulwandle ukuba ubaleke, nawe Jordani ukuba ubuyiselwe emuva,

AmaHubo 114:3

Ulwandle lwakubona, lwabaleka, iJordani labuyiselwa emuva.

AmaHubo 104:7

Ngokukhuza kwakho abaleka, ngezwi lokuduma kwakho ashesha asuka.

AmaHubo 74:15

Nguwena owaqhamukisa isiphethu nomfudlana; nguwe owomisa imifula egobhoza njalo.

Mathewu 8:26

Wayesethi kubo: “Nesabelani nina bokukholwa okuncane na?” Khona wavuka wakhuza umoya nolwandle, kwaba khona ukuthula okukhulu.

U-Amose 5:8

nimfune owenza isiLimela neMpambano, ophendula ithunzi lokufa libe ngukusa, ayenze imini ibe mnyama njengobusuku, obiza amanzi olwandle, awathululele ebusweni bomhlaba nguJehova igama lakhe

U-Amose 1:2

Wathi: “UJehova uyaduma eseSiyoni, ezwakalise izwi lakhe eseJerusalema; amadlelo abelusi ayakulila, nesiqongo saseKarmeli siyakubuna.”

UHezekeli 30:12

Ngiyakwenza imifula ishe, ngithengise ngezwe esandleni sababi, ngichithe izwe nokugcwala kwalo ngesandla sabafokazi; mina Jehova ngikukhulumile.

UJobe 38:11

ngathi: ‘Uyakufika lapha, kepha ungadluli; lapha amaza akho aziqhenyayo ayakumiswa,’ na?

UGenesise 8:1

UNkulunkulu wayesemkhumbula uNowa, nezilwane zonke, nezinkomo zonke ezinaye emkhunjini. UNkulunkulu wadlulisa umoya phezu komhlaba, amanzi abohla.

UJoshuwa 3:16

ayesema amanzi avela ngenhla, afukuka aba nqwabanye kude kakhulu ngase-Adamu, umuzi oseceleni kweSaretani; lawo ewuka eya ngaseLwandle lwase-Araba, uLwandle Lukasawoti, anqamuka impela; abantu base bewela maqondana neJeriko.

2 Samuweli 22:16

Kwase kubonakala imisinga yamanzi; izisekelo zomhlaba zambulwa ngesijeziso sikaJehova, ngokufutha komoya wamakhala akhe.

U-Isaya 42:15

Ngiyakwenza ize izintaba namagquma, ngomise yonke imifino yawo, ngenze imifula ibe yiziqhingi, ngenze amachibi ukuba ashe.

UHezekeli 38:20

ukuba kuthuthumele phambi kwami izinhlanzi zolwandle, nezinyoni zezulu, nezilwane zasendle, nazo zonke izilwanyana ezinwabuzelayo emhlabeni, nabo bonke abantu abasebusweni bomhlaba, izintaba zidilizelwe phansi, amawa awe, nezingange zonke ziwele phansi.

AmaHubo 18:16

Waselula isandla sakhe ephezulu, wangibamba; wangikhipha emanzini amaningi.