UmShumayeli 6:12 - IBHAYIBHELI ELINGCWELE

¹² Ngokuba ngubani okwaziyo okuhle okuyakuba ngokomuntu ekuhambeni kwakhe zonke izinsuku zokuhamba kwakhe okuyize aziqedayo njengesithunzi na? Ngubani ongatshela umuntu okuyakuba semva kwakhe phansi kwelanga na?

IsiZulu 2020

¹² Konje ngubani owaziyo ukuthi yini enhle kumuntu ngesikhathi esaphila lezi zinsukwana zempilo yakhe eyize, eyedlula njengethunzi na? Ngubani ongasho kumuntu ukuthi yini ezokwenzeka phansi komthunzi welanga nxa esefile na?

Contemporary Zulu Bible 2024

¹² Ngoba ngubani owaziyo okumlungele umuntu kulokhu kuphila, zonke izinsuku zokuphila kwakhe okuyize azidlayo njengesithunzi na? ngoba ngubani ongazi okuzakuba emva kwakhe phansi kwelanga?

UmShumayeli 6:12 Referans Kwoze

EkaJakobe 4:14

anikwazi okwangomuso; kuyini ukuphila kwenu na? Ngokuba niyinkungu ebonakala isikhashana, ibisinyamalala.

UmShumayeli 3:22

Ngase ngibona-ke ukuthi akukho okungcono kunokuba umuntu athokoze ngemisebenzi yakhe, lokhu kuyisabelo sakhe, ngokuba ngubani ongambuyisa ukuba abone okuyakuba semva kwakhe na?

UJobe 14:2

Uyavela njengembali, abune; ubaleka njengethunzi, angemi.

AmaHubo 144:4

Umuntu ufana nomoya; izinsuku zakhe zinjengethunzi elidlulayo.

UmShumayeli 8:13

kodwa akuyikuba kuhle kwababi, nemihla yabo ayiyikwandiswa njengesithunzi, lokhu abesabi phambi kukaNkulunkulu.

UmShumayeli 8:7

lokhu engazi okuyakuba khona, ngokuba ngubani ongamtshela ukuthi kuyakuba kanjani na?

UJobe 8:9

ngokuba thina singabezolo nje, asinalwazi, lokhu imihla yethu emhlabeni iyithunzi;

1 iziKronike 29:15

Ngokuba singabafokazi phambi kwakho nezihambi njengabo bonke obaba; izinsuku zethu emhlabeni zinjengethunzi, nethemba alikho.

UmShumayeli 12:13

Nakhu ukuphela kwendaba, lapho sekuzwakele konke: Mesabe uNkulunkulu, ugcine imiyalo yakhe, ngokuba lokho kungokwabantu bonke.

UmShumayeli 9:6

Uthando lwabo, nokuzonda kwabo, nomhawu wabo sekuphelile, futhi abasenaso isabelo nanini kukho konke okwenziwa phansi kwelanga.

UmShumayeli 2:3

Ngaphenya enhliziyweni yami ukuba ngiyakuthokozisa kanjani umzimba wami ngewayini, inhliziyo ingihole nokho ngokuhlakanipha, nokuba ngibambe ubuwula, ngize ngibone ukuthi kuyini okuhle kumadodana abantu ukuba akwenze phansi kwezulu ezinsukwini zonke zokuphila kwawo.

AmaHubo 109:23

Njengethunzi eselilide ngiyamuka; njengesikhonyane ngiyapheshulwa.

AmaHubo 102:11

Izinsuku zami zinjengethunzi elandayo; mina uqobo ngiyabuna njengotshani.

AmaHubo 17:15

Kepha mina ngiyakubuka ubuso bakho ekulungeni, ngisuthe ngesimo sakho ekuvukeni kwami.

AmaHubo 4:6

Baningi abathi: “Ngubani oyakusibonisa okuhle na?” Jehova, phakamisa ukukhanya kobuso bakho phezu kwethu.

UJobe 14:21

Amadodana akhe ayadunyiswa, engazi yena; ayeyiswa, engakuqondi.

UMikha 6:8

Ukutshelile, muntu, okuhle; uJehova ufunani kuwe, kungabi ngukwenza ukulunga kuphela nokuthanda umusa, uhambe noNkulunkulu wakho ngokuthobeka, na?

AmaHubo 89:47

Khumbula ukuthi isikhathi sami singakanani nokuthi wadalela ize bonke abantwana babantu.

AmaHubo 47:4

Wasikhethela ifa lethu, udumo lukaJakobe amthandayo. Sela*

AmaHubo 16:5

UJehova uyisabelo esahlukaniselwe mina, nendebe yami; wena uqinisa ifa lami.

UmShumayeli 2:24

Akukho okuhle kumuntu kunalokhu kokuba adle, aphuze, abonise umphefumulo wakhe okuhle emshikashikeni wakhe, kepha nalokho ngakubona ukuthi kuvela esandleni sikaNkulunkulu.

UmShumayeli 6:11

Lokhu kukhona amazwi amaningi akwandisa okuyize, umuntu unanzuzoni na?

UmShumayeli 7:15

Konke ngikubonile emihleni yami eyize: kukhona olungileyo obhubhile ekulungeni kwakhe, kukhona nomubi owelula ukuphila kwakhe ebubini bakhe.

UmShumayeli 9:9

Thokoza ngokuphila nomkakho omthandayo zonke izinsuku zokuphila kwakho okuyize, oziphiwayo phansi kwelanga zonke izinsuku zakho eziyize, ngokuba lokhu kuyisabelo sakho kulokho kuphila ngomshikashika wakho owushikashikayo phansi kwelanga.

UmShumayeli 10:14

Isiwula siyandisa amazwi, nokho umuntu akazi okuyakuba khona; nalokho okuyakuba ngasemva kwakhe, ngubani ongamtshela lokho na?