ULevitikusi 26:5 - IBHAYIBHELI ELINGCWELE

⁵ Ukubhula kwenu kuyakufinyelela ekuvunweni kwemivini, ukuvunwa kwemivini kuyakufinyelela esikhathini sokulima; niyakudla isinkwa senu, nisuthe, nihlale ezweni lakini nilondekile.

IsiZulu 2020

⁵ Niyobhula kuze kube yisikhathi sokuvuna imivini, nivune imivini kuze kube yisikhathi sokulima; niyakudla isinkwa senu, nisuthe, futhi niyohlala ezweni lakini nivikelekile.

Contemporary Zulu Bible 2024

⁵ Ukubhula kwenu kuyakufika ekuvuneni, nokuvuna kube yisikhathi sokuhlwanyela; kumelwe udle isinkwa sakho ngokusutha futhi uhlale ngokulondeka ezweni lakini.

ULevitikusi 26:5 Referans Kwoze

U-Amose 9:13

“Bhekani, izinsuku ziyeza,” usho uJehova, “lapho olimayo eyakufica ovunayo, nonyathela izithelo zomvini ohlwanyela imbewu; izintaba ziyakuconsa iwayini, amagquma onke ancibilike.

UJoweli 2:26

Niyakudla nokudla, nisuthe, nilidumise igama likaJehova uNkulunkulu wenu oniphathe ngokumangalisayo; abantu bami abayikujabha kuze kube phakade.

UJoweli 2:19

UJehova waphendula, wathi kubantu bakhe: “Bhekani, ngiyakunithumela amabele, newayini, namafutha, nisuthe ngakho, ngingabe ngisanenza inhlamba phakathi kwabezizwe.

IzAga 1:33

Kepha ongilalelayo uyakuhlala elondekile, agcineke, angabi naluvalo ngokubi.”

UDuteronomi 11:15

Ngiyakunika izinkomo zakho utshani emadlelweni akho; uyakudla, usuthe.

1 kuThimothewu 6:17

Yala abacebileyo kuleli zwe lamanje ngokuthi bangakhukhumali, bangathembeli engcebeni engemiyo, kepha mabathembele kuNkulunkulu osicebisa ngakho konke, sithokoze ngakho,

1 kaPetru 1:5

nina enilondolozwa ngamandla kaNkulunkulu ngokukholwa ukuba nibe nokusindiswa okulungiselwe ukwambulwa ngesikhathi sokugcina;

IzEnzo 14:17

Nokho akayekanga ukuzifakazela ngokwenza okuhle, waninika imvula yasezulwini nezikhathi zenala, egcwalisa izinhliziyo zenu ngokuhle nangokujabula.”

Mathewu 23:37

“Jerusalema, Jerusalema, wena obulala abaprofethi nokhanda ngamatshe abathunyelwe kuwe, kukangaki ngithanda ukubuthela ndawonye abantwana bakho njengesikhukukazi sibuthela amazinyane aso phansi kwamaphiko aso, kepha anivumanga.

UJeremiya 23:6

Ezinsukwini zalo uJuda uyakusindiswa, u-Israyeli ahlale elondekile; nanti igama eliyakubizwa ngalo lokuthi: UJEHOVA UNGUKULUNGA KWETHU.

IzAga 18:10

Igama likaJehova lingumbhoshongo onamandla; olungileyo ugijimela kuwo, alondeke.

AmaHubo 90:1

Nkosi, wena uyisiphephelo sethu ezizukulwaneni ngezizukulwane.

UEksodusi 16:8

UMose wathi: “Lokhu kuzakwenzeka, lapho uJehova eyakuninika inyama kusihlwa ukuba nidle, nasekuseni isinkwa ukuze nisuthe; ngokuba uJehova uyezwa izinkonono zenu enikhonona ngaye ngazo; thina siyini? Izinkonono zenu azingathi, zingoJehova.”

Hoseya 2:18

Ngalolo suku ngiyakubenzela isivumelwano nezilwane zasendle, nezinyoni zezulu nezilwanyana ezinwabuzelayo emhlabeni, ngaphule umnsalo nenkemba nokulwa ukuba kusuke ezweni, ngibalalise belondekile.

AmaHubo 144:13

lapho izingobo zethu zigcwele, ziveza izinhlobo ngezinhlobo, nezimvu zethu zizala ngezinkulungwane, yebo, ngezinkulungwane eziyishumi emadlelweni ethu;

U-Isaya 1:19

Uma nivuma, nilalela, niyakudla okuhle kwezwe;

U-Isaya 30:23

Uyakunika imbewu yakho oyakuyihlwanyela emhlabathini imvula, aveze nesinkwa ezithelweni zomhlabathi oyakuvunda, uthele kakhulu; ngalolo suku izinkomo zakho ziyakuklaba emadlelweni abanzi.

Hoseya 2:20

Ngiyakuzimisela wena ngokuthembeka ube ngumkami; uyakumazi uJehova.

UJoweli 2:22

Ningesabi, zilwane zasendle, ngokuba amadlelo asehlane ayahluma, nemithi ithela izithelo, umkhiwane nomvini kuveza amandla akho.