UJobe 6:27 - IBHAYIBHELI ELINGCWELE

²⁷ Yebo, nenza inkatho ngentandane, nithengisa ngomngane wenu.

IsiZulu 2020

²⁷ Nenza unkatho ngentandane, nithengisa ngomngani wenu.

Contemporary Zulu Bible 2024

²⁷ Yebo, ucindezela intandane, ummbela umngane wakho umthombo.

UJobe 6:27 Referans Kwoze

2 kaPetru 2:3

nangokufisa bayakuthengiselana ngani ngamazwi obuqili, abakulahlwa kwabo kwamandulo akulibali nokubhujiswa kwabo akozeli.

EkaJakobe 1:27

Ukukhonza okumhlophe okungenabala phambi kukaNkulunkulu uBaba yilokhu ukuhambela izintandane nabafelokazi osizini lwabo nokuzigcina kungabi yicala lokwezwe.

UNahume 3:10

Nalo lamukiswa, laya ekuthunjweni, nezingane zalo zachotshozwa ezingosini zazo zonke izitaladi; benza inkatho ngezikhulu zalo, nabo bonke abakhulu balo baboshwa ngamaketanga.

UJoweli 3:3

Zenza inkatho ngabantu bami, zanika umfana ngesifebe, zathengisa ngentombazana ngenxa yewayini, zaliphuza.

AmaHubo 7:15

Umgodi uwumba, uwugubha, kepha ukhalakathela egebeni alenzileyo.

UJobe 24:9

Intandane ihlwithwa ebeleni, nengane yompofu ithathwa ibe yisibambiso,

UJobe 24:3

Bamukisa imbongolo yezintandane, nenkomo yomfelokazi bayayithatha ibe yisibambiso.

UJobe 22:9

Umukisile abafelokazi bengenalutho; izingalo zezintandane zaphuliwe.

UMalaki 3:5

“Ngiyakusondela kini ukwahlulela, ngibe ngufakazi osheshayo ngabalumbi, nangeziphingi, nangabafunga amanga, nangabacindezela abaqashwa ngenkokhelo yabo, nabafelokazi, nezintandane, nabachezukisa abafokazi, bengangesabi mina,” usho uJehova Sebawoti.

UHezekeli 22:7

Bathukile kuwe uyise nonina, bacindezela abezizwe phakathi kwakho, bona phakathi kwakho izintandane nabafelokazi.

UJeremiya 18:22

Makuzwakale ukukhala ezindlini zabo, lapho ubehlisela impi ngokuzumayo, ngokuba bembile umgodi wokungibamba, bafihlela izinyawo zami izingibe.

UJeremiya 18:20

Okuhle kuyakuphindiselwa ngokubi na? lokhu bembele umphefumulo wami umgodi. Khumbula ukuthi ngema phambi kobuso bakho ukukhuluma okuhle ngabo nokukubuyisa ukufutheka kwakho kubo.

AmaHubo 82:3

Yahlulelani ompofu nentandane, nimenzele okufaneleyo olusizi noswelayo.

AmaHubo 57:6

Izinyathelo zami bazibekele ugibe; umphefumulo wami ugobile; bembile igebe phambi kwami, kwakhalakathela bona kulo. Sela*

UJobe 31:21

uma ngiphakamisele intandane isandla sami, ngokuba ngabona usizo lwami esangweni,

UJobe 31:17

ngadla ucezu lwami lwesinkwa ngingedwa, ingaludlanga nentandane

UJobe 29:12

Ngokuba ngakhulula abampofu abakhalayo kanye nentandane engenamsizi.

UEksodusi 22:21

“Awuyikukhathaza umfokazi, ungamcindezeli, ngokuba naningabafokazi ezweni laseGibithe.