UJobe 26:14 - IBHAYIBHELI ELINGCWELE

¹⁴ Bheka, lokhu kungamaphethelo nje ezindlela zakhe, izwi lokunyenyeza nje elizwakalayo ngaye; indumo yamandla akhe, ngubani obeyakuyiqonda na?”

IsiZulu 2020

¹⁴ Bheka, lokho kuyisiphetho sezindlela zakhe, izwi elinyenyezayo esilizwayo ngaye, kodwa ukuduma kwamandla akhe ngubani ongakuqonda na?”

Contemporary Zulu Bible 2024

¹⁴ Bheka, lezi yizingxenye zezindlela zakhe, kepha kuncane kangakanani okuzwiwayo ngaye? kepha ukuduma kwamandla akhe ngubani ongakuqonda na?

UJobe 26:14 Referans Kwoze

AmaHubo 145:3

Mkhulu uJehova, umelwe ukudunyiswa kakhulu; ubukhulu bakhe abuphenyisiseki.

AmaHubo 139:6

Ukwazi okunjalo kuyangimangalisa; kuphakeme, anginakufinyelela kukho.

KwabaseRoma 11:33

Yeka ukujula kwengcebo, nokuhlakanipha, nokwazi kukaNkulunkulu! Yeka izahlulelo zakhe ezingaphenyekiyo, nezindlela zakhe ezingaqondakaliyo!

AmaHubo 29:3

Izwi likaJehova liphezu kwamanzi, uNkulunkulu wenkazimulo uyaduma; uJehova uphezu kwamanzi amakhulu.

UJobe 40:9

Unengalo njengoNkulunkulu, ungaduma ngezwi elinjengelakhe, na?

UJobe 36:29

Ukhona ongaqonda ukwenekeka kwamafu nokuduma kwedokodo lakhe na?

UJobe 4:12

“Kwanyenyiselwa kimi izwi, indlebe yami yabamba ukunyenyezwa kwalo.

1 Samuweli 2:10

Abalwa noJehova bayakuphahlazwa; uyakuduma ezulwini phezu kwabo; uJehova uyakwahlulela amajukujuku omhlaba, anike inkosi yakhe amandla, aphakamise uphondo logcotshiweyo wakhe.”

UJobe 37:4

Emva kwalo kuduma izwi; uduma ngezwi lobukhosi bakhe; kalumisi unyazi, lapho lizwakala izwi lakhe.

UJobe 37:5

UNkulunkulu uyaduma ngezwi lakhe ngokumangalisayo; wenza izinto ezinkulu esingaziqondi.

UJobe 42:5

Ngangizwile ngawe ngokuzwa kwezindlebe, kepha manje iso lami liyakubona.

UHabakuki 3:4

Kuqhamuka ukubengezela kunjengokukhanya; imisebe ivela esandleni sakhe, efihla lapho amandla akhe.

UmShumayeli 11:5

Njengalokhu ungazi indlela yomoya ukuthi iphi, nokubunjwa kwamathambo esizalweni sokhulelweyo, kanjalo awuyazi nemisebenzi kaNkulunkulu owenza konke.