UJeremiya 27:16 - IBHAYIBHELI ELINGCWELE

¹⁶ Ngase ngikhuluma kubapristi nakubo bonke laba bantu, ngithi: “Usho kanje uJehova, uthi: Ningawalaleli amazwi abaprofethi benu abaprofetha kini ukuthi: ‘Bhekani, izitsha zendlu kaJehova ziyakubuyiswa eBabele masinyane.’ Ngokuba baprofetha amanga kini.

IsiZulu 2020

¹⁶ Ngase ngikhuluma kubaphristi nakubo bonke abantu ngithi usho kanje uSimakade, uthi: “Ningawalaleli amazwi abaphrofethi benu abaphrofetha kini, bethi: ‘Bhekani, izitsha zendlu kaSimakade ziyakubuyiswa eBhabhele masinyane.’ Ngokuba baphrofetha amanga kini.

Contemporary Zulu Bible 2024

¹⁶ Ngakhuluma kubapristi nakubo bonke laba bantu, ngathi: “Usho kanje uJehova; Ningawalaleli amazwi abaprofethi benu abaprofetha kini, bethi: Bhekani, izitsha zendlu kaJehova ziyakubuyiswa masinyane eBabele, ngokuba baprofetha amanga kini.

UJeremiya 27:16 Referans Kwoze

UJeremiya 28:3

Ingakapheli iminyaka emibili ngiyakubuyisela kule ndawo zonke izitsha zendlu kaJehova azithatha kule ndawo uNebukadinesari, inkosi yaseBabele, waziyisa eBabele,

2 AmaKhosi 24:13

Yakhipha khona yonke ingcebo yendlu kaJehova nengcebo yendlu yenkosi, yahlahlela zonke izinto zegolide uSolomoni inkosi yakwa-Israyeli azenzileyo ethempelini likaJehova njengokukhuluma kukaJehova.

UDaniyeli 1:2

INkosi yanikela esandleni sakhe uJehoyakimi, inkosi yakwaJuda, nenxenye yezitsha zendlu kaNkulunkulu, waziyisa ezweni laseShineyari endlini kankulunkulu wakhe, waziyisa izitsha endlini yengcebo kankulunkulu wakhe.

UJeremiya 27:10

ngokuba baprofetha amanga kini ukuba nisuswe kude nezwe lakini, nginixoshe, niphele.

UJeremiya 27:14

Ningawalaleli amazwi abaprofethi ababesho kini ukuthi: ‘Aniyikuyikhonza inkosi yaseBabele,’ ngokuba baprofetha amanga kini.

U-Isaya 9:15

Ilunga nophakemeyo bayikhanda, nomprofethi ofundisa amanga ungumsila.