UJeremiya 10:8 - IBHAYIBHELI ELINGCWELE

⁸ Bayiziphukuphuku, bayiziwula bonke; ngukulaya kwezithombe; kungumuthi nje,

IsiZulu 2020

⁸ Bonke bayiziphukuphuku neziwula. Ukuyala kwezithombe kufana nokhuni nje,

Contemporary Zulu Bible 2024

⁸ Kepha bayiziphukuphuku neziwula; imfuyo iyimfundiso eyize.

UJeremiya 10:8 Referans Kwoze

UZakariya 10:2

Ngokuba amatherafi* akhulumile okuyize, nababhuli babone okungamanga; bakhuluma amaphupho angelutho, baduduza ngeze; ngalokho bayasuka njengezimvu, bathotshisiwe, ngokuba kungekho umalusi.

UJeremiya 10:14

Bonke abantu bayiziphukuphuku, abanakwazi; bonke abakhandi bajabhiswa nezithombe zabo ezibaziweyo, ngokuba izithombe zabo ezibunjiweyo zingamanga, nomoya awukho kuzo.

UHabakuki 2:18

“Sisizani isithombe esibaziweyo, lokhu umbumbi waso esibaza, nesithombe esibunjiweyo nomfundisi wamanga, lokhu umbumbi waso ethemba kuso, ukuze enze izithombe eziyizimungulu, na?

U-Isaya 44:19

Akakho okhumbulayo, nokwazi nokuqonda akukho kokuba kuthiwe: “Ngishisile inxenye yawo ngomlilo, ngenzile isinkwa phezu kwamalahle awo, ngosile inyama, ngayidla; ngingenza okuseleyo kuwo kube yisinengiso, ngikhothamele umbhuku womuthi,” na?

U-Isaya 41:29

Bheka, bayize bonke; imisebenzi yabo ayiyinto yalutho, nezithombe zabo ezibunjiweyo zingumoya nokuyize.

AmaHubo 135:18

Abazenzayo bayafana nazo, bonke abazethembayo.

AmaHubo 115:8

Abazenzayo bayafana nazo, bonke abazethembayo.

UJeremiya 4:22

“Yebo, abantu bami bayiziwula, abangazi; bangabantwana abayiziphukuphuku, abanakuqonda; bahlakaniphele ukwenza okubi, kepha ukwenza okuhle kabakwazi.”

UJeremiya 2:27

abathi emthini: ‘Ungubaba,’ nasetsheni: ‘Wena wangizala.’ Ngokuba bangifulathele, abangibheki; kepha ngesikhathi sokuhlupheka kwabo bayakusho ukuthi: ‘Vuka, usisindise.’

Hoseya 4:12

Abantu bami babuza emthini, induku yabo ibatshele, ngokuba umoya wobufebe ubadukisile, basuka phansi kukaNkulunkulu wabo ngokufeba.

U-Isaya 44:18

Abazi, abaqondi, ngokuba unamekile amehlo abo ukuze bangaboni, nezinhliziyo zabo ukuze bangaqondi.

UJeremiya 3:9

nangokuzwakala kokufeba kwakhe langcoliswa izwe, waphinga nemithi namatshe.

UJeremiya 5:4

Ngase ngithi mina: “Laba bayizimpofana nje, bayiziwula, ngokuba abayazi indlela kaJehova, ukwahlulela kukaNkulunkulu wabo.

UJona 2:8

“Abagcina okungumoya nokuyize nje bashiya Othembekile kubo.